DİN və prokurorluq əməkdaşlarının Lənkəranda apardıqları xüsusi əməliyyat zamanı iki yerli sakin- Qismət İsayev və Vüqar İsmayılov saxlanılıb.
Onlar milli və dini ədavətin qızışdırılmasında, kütləvi itaətsizliyə, hüquq-mühafizə orqanları ilə qarşıdurmaya çağırışda şübhəli bilinirlər. Bu barədə DİN və Baş Prokurorluğun birgə məlumatında bildirilir.
Onların mənzilində və öz üzərlərində axtarış zamanı həmin şəxslər özlərini Taleh Bağırzadənin rəhbəri olduğu “Müsəlman Birliyi” Hərəkatının tərəfdarları olduqları məlum olub. Axtarış zamanı dörd ədəd əl qumbarası, 123 patron, iki trotil şaşkası, qanunla qadağan edilmiş 18 dini məzmunlu kitab aşkar edilərək götürülüb.
Xatırladaq ki, T.Bağırzadə və onun bir qrup tərəfdarı 2015-ci il noyabrın 26-da Nardaran qəsəbəsində keçirilən xüsusi əməliyyat zamanı saxlanılıb. Atışma zamanı 6 nəfər həlak olub. Hərəkatın 15 üzvü həbs olunub. Onlar dövlət əleyhinə fəaliyyətdə ittiham ediliblər.
Bundan sonra ölkə boyunca “Müsəlman Birliyi” Hərəkatı üzvlərinin kütləvi həbsləri başlayıb. Fevralın əvvəlində baş prokuror Zakir Qaralov bu iş üzrə 68 nəfərin saxlandığını bildirib.–06D-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz