Müsəlmanlar Ramazan bayramını qeyd edir

Bu gün bütün dünya müsəlmanları müqəddəs Ramazan ayının başa çatmasını qeyd edir. Azərbaycanda 8-11 avqust tarixləri istirahət günü elan edilib.

    Ramazanda müsəlmanlar bayram namazı qılır, süfrə açır, doğmalarını və dostlarını qonaq çağırır.
    İslam təqviminin 9-cu ayı olan Ramazan iyulun 10-da başlayıb. Bu ay müsəlmanlar üçün ən vacib aydır.
    Ramazan orucluq və ibadət ayıdır, Qurani-Kərimin nazil edildiyi, şər qüvvələrin zəncirləndiyi, günahların bağışlandığı aydır.
    Oruc Allah rizası qazanmaq məqsədilə tutulur və inancı gücləndirmək, nəfsə qarşı mübarizədə daxili gücü artırmaq, əldə olan nemətlərin dəyərini anlamaq, ehtiyacı olanlara və ətrafdakılara qarşı münasibəti yaxşılaşdırmaq məqsədi daşıyır. Bütün ay ərzində günəş doğandan batana qədər oruc tutulur – yeməkdən, içməkdən və cinsi əlaqədən uzaq durulur.
    Ramazanın son günü avqustun 8-nə gəlir. Bu gün orucluğun bitməsi ilə əlaqədar Fitrə bayramı qeyd edilir. İd əl-Fitr islam təqviminin ən mühüm günlərindən biridir. Orucluq bayramının qeyd edilməsi ənənəsi Məhəmməd peyğəmbərin (s.a.s.) dövründən qalıb. Bu gün bayram süfrələri açılır. Bayram vaxtı təkcə doğmalar və yaxınlar deyil, qonşular, tanışlar (dinindən asılı olmayaraq) da dəvət edilir. Fitrə verilməsi bayramın mütləq şərtidir. Həmçinin bayram günlərində doğmaların qəbirləri ziyarət edilir. -0-
 

Rəy yaz

Cəmiyyət

Bizi sosial şəbəkələrdə izləyin

Xəbər lenti