Bakı/12.12.18/Turan: Çərşənbə günü ABŞ-ın Azərbaycandakı səfir əvəzi, Müvəqqəti İşlər Vəkili Ulyam Gil bastainfo.com xəbər portalının redaktoru Mustafa Hacıbəyli ilə görüşüb və Azərbaycanda media azadlığını müzakirə edib.
Bu haqda Amerika səfirliyi məlumat yayıb.
Müzakirənin detalları barədə "Turan"a ətraflı məlumat verməyə ehtiyac duymayan Mustafa Hacıbəyli isə bildirib ki, görüşdə vəkil Osman Kazımov, ABŞ səfirliyinin siyasi məsələlər üzrə müşaviri Uilyam Solley və səfirliyin mətbuat katibi Natan Cons iştirak ediblər.
Qeyd edək ki, noyabrın 30-da Bakı Şəhər Prokurorluğuna çağırılan Mustafa Hacıbəyliyə qarşı saytda dərc olunan iki məqaləyə görə Cinayət Məcəlləsinin 281.2 (dövlət əleyhinə çağırışlar), 309.2 (vəzifə səlahiyyətlərini aşma) və 313-cü (vəzifə saxtakarlığı) maddələri ilə ittiham irəli sürülüb.-0-
Cəmiyyət
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
-
Azərbaycan 9 yanvarda əsasən quraq hava şəraiti ilə qarşılaşacaq. Bu barədə Milli Hidrometeorologiya Xidməti məlumat yayıb.
-
Ötən gün leysan yağışları nəticəsində müqəddəs Məkkə və Mədinə şəhərlərinin küçələrini su basıb. Sel yollara və avtomobillərə ziyan vurub. Səudiyyə Ərəbistanının digər yaşayış məntəqələrini də su basıb.
Rəy yaz