Müxalif hərəkat kollapsdan qaçmaq üçün islahatlara çağırır

Azərbaycan Demokratiya və Rifah Hərəkatı mövcud hakimiyyəti islahatların keçirilməsi üçün lazımi siyasi iradə nümayiş etdriməyə, açıq cəmiyyət, hesabatlı hökümət, azad və liberal iqtisadiyyat qurmağa çağırır.

Hərəkatın bəyanatında deyilir ki, Azərbaycan inzibati-amirlik üsulu ilə inkişaf edə bilməyəcək.

“Azadlıqlar olmayan cəmiyyətlərdə, rəqabəti dəstəkləmək əvəzinə inhisarçılığa geniş meydan verən dövlətlərdə nə iqtisasi və nə də siyası inkişaf olmur”, deyə sənəddə bildirilir.

Dünya bazarında neftin qiymətinin uculaşması, Azərbaycanda neft hasilatının azalması hətta qısamüddətli dövrdə müşahidə olunan sabitliyə təhlükə yaradır.

Azərbaycanın son 15 ildə neftdən qazandığı 122 milyard dollara yaxın məbləğdən cəmi 35-i qalıb.

“Bəlkə mərmər döşəmələrə, fişənglərə, dəbdəbəli idman və mədəni tədbirlərə az pul xərcləyək?”, deyə bəyanatda qeyd edilir.

Sivil dünyanın tərkib hissəsi olmaq inkişafımız üçün mütləqdir, siyasi plüralizm təmin edilməli, alternativ fikrə hörmət edilməlidir.

İnzibati idarəçilik uzunmüddətli sabitlik üçün də təhlükə yaradır, dövlət büdcəsinin və dövlət şirkətlərinin rasional, şəffaf və hesabatlı idarə olunmasına nail olmaq lazımdır, deyə bəyanatda bildirilir.

* Azərbaycan Demokratiya və Rifah Hərəkatı 2015-ci ilin fevralında təsis edilib. Onun rəhbəri məşhur iqtisadçı-ekspert Qubad İbadoğludur. -06D-