Müxalifət fəalı qanunsuz olaraq həbsdə saxlanılır – vəkil
Xalq Cəbhəsi Partiyasının fəalı Fuad Əhmədlinin həbs müddətinin uzadılması haqqında qərar əsassızdır, çünki onun barəsində heç bir istintaq hərəkəti aparılmır, bu barədə Turan-a vəkil Əsabəli Mustafayev bildirib.
Yanvarın 19-da o, Kürdəxanı istintaq təcridxanasında müvəkkili ilə görüşüb. Fəalın səhhətində əvvəlki kimi problem var.
Vəkil Əhmədlinin işi üzrə Avropa İnsan Hüquqları Məhkəməsinə şikayət göndərildiyini bildirib.
Əhmədli 2016-cı ilin avqustunda Dövlət Təhlükəsizlik Xidmətinin əməkdaşları tərəfindən mobil rabitə abunəçilərinin şəxsi məlumatlarını yaymaq və səlahiyyətlərini aşmaq ittihamı ilə saxlanılıb. Sonradan onu Türkiyədə dövlət çevrilişi cəhdində ittiham olunan Fətullah Gülənin “Hizmet” hərəkatı ilə əlaqələrdə də ittiham ediblər.
Ötən həftə Əhmədlinin həbs müddəti martın 12-nə qədər uzadılıb. -06D-
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz