Müsavat Partiyası Xaçmaz təşkilatının üzvü Bəxtiyar Əmrahov bank borcuna görə 10 sutka inzibati cəza alıb. Bunu Turan-a partiya sədrinin müavini Elman Fəttah bildirib.
Onun sözlərinə görə, B.Əmrahov devalvasiyadan öncə 4 min dollar kredit götürüb, ödəyib, cəmi 900 dollar borcu qalıb. İndi isə devalvasiyadan sonrakı qiymətlərlə hesablayaraq borcunu 2000 dollara çıxarıblar.
“Ona qalsa ölkədə milyonlarla adamın banklara 3 milyard dollara yaxın borcu var. Onda gərək hamını həbs edələr. Mən ilk dəfədir eşidirəm ki, kredit borcuna görə insana cəza verirlər”, - E.Fəttah vurğulayıb.
Bank üzrə ekspert Əkrəm Həsənov Turan-a bildirib ki, 2016-cı ildə bir neçə belə xarakterli saxlanma olub. İnzibati Xətalar Məcəlləsinin 528-ci maddəsini əsas tutaraq belə inzibati həbsləri icra edirlər. Bu maddə isə məhkəmə qərarını üzrsüz olaraq icradan yayınma adlanır. Amma vətəndaşın borcu ödəmək imkanı yoxsa və ya gəliri minimum yaşayış tələbinə cavab vermirsə, buna görə borcu ödəmirsə, bunun özü üzrsüz yox, üzrlü haldır.
Ə.Həsənov deyib ki, icra məmurları bunu özbaşına etmirlər, banklar məhkəmələrə təqdimat verir, nəticədə bu inzibati cəzalar tətbiq edilir. “On1 minlərlə vətəndaş var ki, banklara borc ödəmək gücündə deyil, həbs etməklə problem həllini tapmır, bunun üçün problemin həlli yolu tapılmalıdır, amma bu həll yolu inzibati cəzalardan keçmir”,- Ə.Həsənov bildirib.–05D06—
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz