Bakı/18.03.19/Turan: Martın 18-də Bakı Ağır Cinayətlər Məhkəməsində İradə Həsənzadənin sədrliyi ilə Müsavat Partiyasının fəalı Azad Həsənovun işi üzrə iclas davam edib.
O, 2018-ci ilin oktyabrında, 4 il siyasi mühacirətdə olduğu Litvadan qayıtdıqdan dərhal sonra saxlanılıb. Ona qarşı 234.4.3-cü (böyük ölçüdə narkotik vasitələrin qanunsuz dövriyyəsi) maddə ilə ittiham irəli sürülüb.
Bugünki iclasda paytaxtın polis əməkdaşı Ömər Nəibovun ifadəsi dinlənilib. O bildirib ki, Həsənov əməliyyat məlumatı əsasında saxlanılıb. Amma vəkil Osman Kazımov məlumatın konkret olaraq nə zaman daxil olduğunu açıqlamağı istədikdə polis dəqiq vaxt göstrə bilməyib. Daha sonra o etiraf edib ki, polis "əvvəlcədən vəkil dvət edib", amma bunun səbəbini aydın şəkildə izah edə bilməyib.
Həsənovun üzərində yoxlamanın niyə saxlanıldığı yerdə aparılmadığı haqqında suala cavabda polis əməkdaşı bildirib ki, "əməliyyat şəraiti imkan verməyib".
Vəkilin ekspertiza keçirilməzdən əvvəl protokolda narkotik aşkar edildiyini yazmağın nə dərəcədə qanunauyğun olduğu barədə sualına cavabda şahid etiraf edib ki, bu, doğru deyil, amma "bunun narkotik olduğunu etiraf edən" Həsənova istinad edib. Müttəhim isə bunu təkzib edib, saxlanıldıqdan sonra siyasi fəaliyyəti haqqında sorğu-sual edildiyini bildirib. Paytaxt polisində dindirmə zamanı da ona bu barədə sualalr veriblər. Həsənov bildirib ki, narkotik onun üzərinə qoyulub.
Məhkəmə prosesi aprelin 2-də davam edəcək. Hüquq müdafiəçiləri Həsənovu siyasi məhbus kimi tanıyıblar. -21С-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz