Bakı/18.03.19/Turan: "Sasna tsrer" partiyası Dağlıq Qarabağın vilayət kimi Ermənistanın tərkibinə daxil edilməsi prosesinə başlayır. Bu barədə martın 18-də Yerevanda keçirilən mətbuat konfransında bu partiyanın liderlərindən biri olan Varujan Avetisyan bildirib.
""Sasna tsrer" Ümümermənistan hərəkatı ona görə bu prosesə indi başlayır ki, Arsaxda artıq siyasi-təşkilati birlik yaradılıb. Bu günlərdə Arsaxda "Sasna tsrer" partiyası qeydiyyata alınıb, onun əsas vəzifəsi bu prosesi təmin etməkdir", deyə Avetisyan bildirib.
Partiyanın bu məsələnin hüquqi aspektini necə təsəvvür etdiyi və müstəqillik elan etmiş qarabağlıların vilayət statusu almaq məsələsində onunla razı olub-olmadıqları barədə suala cavabda partiya liderlərindən biri olan Jirayr Sefilyan belə deyib: "Əminik ki, böyük əksəriyyət bu ideya ilə razıdır və mən əminəm ki, bizim başladığımız proses hamının ürəyincə olacaq. Prosesin bir çox hüquqi yolları var: referendum, hər iki parlament tərəfindən ratifikasiya, ümumdövlət seçkiləri ola bilər". -02D-
Siyasət
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
-
Türkiyənin “Sabah” qəzetinin məlumatına görə, İstanbul prokurorluğunun Qaçaqmalçılığa Qarşı Mübarizə İdarəsinin əməkdaşları Azərbaycan vətəndaşını böyük miqdarda qızılla saxlayıblar.
Rəy yaz