Глава МBД Грузии Георгий Мгебришвили
Bakı/20.07.17/Turan: Gürcüstanda sərhəd polisinin və əks-kəşfiyyat departamentinin direktoru vəzifəsindən çıxarılıb. Bu, azərbaycanlı jurnalist Əfqan Muxtarlının Tbilisidə oğurlanması ilə əlaqədardır. Ə.Muxtarlı Bakıda həbs edilib.
Gürcüstan DİN rəhbəri Georgi Mqebrişvili brifinqdə bildirib ki, kadr üzrə qərarlar ölkədə araşdırılan bu iş üzrə istənilən şübhələrdən qaçmaq üçün qəbul edilib.
"Dövlət sərhəddinə və əks-kəşfiyyata birbaşa cavabdeh olan xidmətlərin rəhbərləri təhqiqatın sonunadək işdən kənarlaşdırılıblar", - o bildirib.
G.Mqebrişvili deyib ki, "onların günahsız olduqlarına əmindir , ancaq istintaq istənilən versiyanı istisna edə bilməz və sərhəddi keçmə aydın olmayan şəraitdə baş verdiyinə görə belə qərar qəbul edilib".
Ə.Muxtarlı iyunun 29-da Tbilisidə oğurlanıb, işgəncələrə məruz qalıb və sonra zorla Azərbaycana gətirilib. O, sərhəddi qanunsuz keçmək, güc tətbiq etməklə hakimiyyət nümayəndəsinə müqavimət göstərmək, həmçinin qaçamalçılıqda (onun cibinə 10 min avro qoyulub - CM-in 315.2, 318.1, 206.1-ci maddələri) ittiham olunub. Avropa İnsan Hüquqları Məhkəməsi Ə.Muxtarlının həbsindən şikayəti prioritet qaydada baxılmaq üçün qəbul edib.06D-
Cəmiyyət
-
Mayın 1-də ABŞ Maliyyə Nazirliyinin açıqladığı sanksiya siyahısında 60 şirkətin adları var və Rusiya ilə yanaşı Azərbaycan, Belçika, Çin, Birləşmiş Ərəb Əmirlikləri (BƏƏ), Slovakiya və Türkiyə şirkətləri də sanksiyalar altına düşüb.
-
Azercell-in həssas qadın qrupları üçün təşkil etdiyi təlimlər davam edir Azercell və “Ümidli Gələcək” İB-in “Gələcəyi öz əllərinlə yarat” layihəsi çərçivəsində növbəti təlim baş tutub. “Təmiz dünya” Qadınlara Yardım İctimai Birliyinin sığınacağında keçirilmiş təlimə yetkin qadınlarla yanaşı həm də yeniyetmə və gənc qızlar qatılıb. Təlimdə Azercell Akademiyasının mütəxəssisləri iştirakçılara “yumşaq bacarıqlar” - daxili motivasiya, ünsiyyət, empatiya, emosional zəka barədə məlumat veriblər. Qadın sığınacağının sakinləri isə öz növbələrində hədəfləri, karyera və təhsil planları barədə mütəxəssislərdən tövsiyələr alıblar.
-
Respublika Sanitariya-Karantin Mərkəzinin vəzifəli şəxsləri cinayət məsuliyyətinə cəlb ediliblər. Bu barədə Baş Prokurorluq və Səhiyyə Nazirliyinin birgə məlumatında deyilir.
-
Mayın 2-də Bakıda və Abşeronda yağıntı gözlənilmir, şimal-qərb küləyi əsəcək, arabir güclənəcək. Havanın temperaturu gecə müsbət 13+16, gündüz müsbət 19+23 dərəcə olacaq.
Rəy yaz