Fevralın 24-ü Bakı Ağır Cinayətlər Məhkəməsində “Müsəlman Birliyi” hərəkatının sədr müavini Elçin Qasımov və daha 11 nəfərin cinayət işi üzrə məhkəmə prosesi davam etdirilib.
Hakim Mayıl Bayramovun sədrlik etdiyi məhkəmə prosesində təqsirləndirilən şəxslər Axudov Elgün, Şahbazov Əli və Əliyev Ramil ifadə veriblər.
Ramil Əliyevin sözlərinə görə, axtarış zamanı onun evinə qumbara və guya "Müsəlman Birliyi" Hərəkatının lideri Taleh Bağırzadənin yazdığı dörd kitab qoyublar.
DİN-in Mütəşəkkil Cinayətkarlığa qarşı Mübarizə İdarəsində dəyənəklə onun başına və ayaqlarına vurublar, Bağırzadəyə böhtan atmağı tələb ediblər.
Buna görə məhkəmədə Ramil Əliyev işgəncə altında verdiyi ifadələrdən imtina edib.
Elgün Axundov bildirib ki, onun evində axtarış zamanı polis yeznəsinə məxsus 20 min dolları götürüb. Bu pulu hələ də qaytarmayıblar.
Nardaran sakini Əli Şahbazov bildirib ki, polis müfəttişi atasının saxlanıldığını bildirərək deyib: "4 qardaşsınız, gedin biriniz o silahları öz üstünüzə götürün, atanızını buraxsınlar". "Mən düşünmədən bildirdim ki, mən öz üzərimə götürürəm", deyən Şahbazov əlavə edib ki, polis onu aldadıb, çünki atasını buraxmayıblar, 1 il 9 ay müddətinə həbs ediblər. Bundan sonra qardaşını da həbs ediblər.
"Mən anlaya bilmirəm, biz evimizidə Ben Laden gizlətmişdik ki, evizimdən 3 nəfəri həbs edirlər?”, deyə o bildirib.
Proses martın 3-də davam edəcək.—36С-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz