Nardaran ağsaqqalının işi üzrə məhkəmədə
Bakı/14/.04.17/Turan: Bakı Ağır Cinayətlər Məhkəməsində Nardaran Ağsaqqallar Şurasının sədri Natiq Kərimovun və Azərbaycan İslam Partiyasının sabiq sədr müavini İnqilab Əhədovun işi üzrə məhkəmə prosesi təxirə salınıb. Bu barədə N.Kərimov bildirib.
Onun sözlərinə görə, məhkəmənin təxirə salınmasına səbəb dövlət ittihamçısı və onun müdafiəsi üçün dövlət tərəfindən təyin edilmiş vəkilin prosesə gəlməməsidir. Odur ki, hakim Əhməd Quliyev prosesi aprelin 20-nə keçirib.
Qeyd edək ki, məhkəmə istintaqı başa çatıb və bu gün prokurorun yekun çıxışı gözlənilirdi.
Natiq Kərimov 2015-ci ilin dekabrında həbs olunub və 2016-cı il yanvarın 19-da ev dustaqlığına buraxılıb.
Nardaran hadisələri ilə əlaqədar 90-a yaxın adam saxlanılıb. Onların bir hissəsi qanunsuz silah saxlamaq ittihamı ilə müxtəlif müddətə həbs olunub.
“Müsəlman Birliyi” Hərəkatının lideri Taleh Bağırzadə də daxil olmaqla, bir qrup müttəhim hakimiyyətin zorla ələ keçirilməsinə, dövlət quruluşunun dəyişdirillməsinə cəhd ittihamı ilə uzun müddətə mühakimə edilib. Həbs olunan digər şəxslərin məhkəməsi davam edir.–1606D--
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz