Bakı/19.04.17/Turan: Bakı Ağır Cinayətlər Məhkəməsində dövlətə xəyanətdə ittiham olunan Nardaran qəsəbəsinin ağsaqqalı Natiq Kərimovun və İslam Partiyasının keçmiş sədr müavini İnqilab Əhədovun işi üzrə prosesdə prokurorun yekun çıxışı yenidən təxirə salınıb. Bunun səbəbi təqsirləndirilən şəxslərin vəkillərinin gəlməməsi olub.
Məhkəmə iclası aprelin 27-nə qədər təxirə salınıb. Aprelin 14-də də məhkəmə prosesi prokurorun və Kərimovun vəkilinin gəlməməsi səbəbindən təxirə salınmışdı.
Proses qapalı rejimdə keçirilir və təqsirləndirilən şəxslərin konkret olaraq nədə ittiham olunduqları məlum deyil.
Əvvəllər də İranın xeyrinə casusluq ittihamı ilə Nardaran sakinlərinin həbsi halları olub.
Kərimov ötən ilin yanvarında həbs olunub. Yanvarın 19-da onu ev dustaqlığına buraxıblar. Həbsdən əvvəl - 2015-ci ilin noyabrında Nardaranda xüsusi əməliyyat keçirilib, əməliyyat zamanı 2-si polis olmaqla, 6 nəfər öldürülüb.
Bu hadisələrlə əlaqədar 90-a yaxın insan həbs edilib. Onların bir hissəsi qanunsuz silah saxlamaq ittihamı ilə müxtəlif müddətli həbs cəzaları alıb.
Təqsirləndirilən şəxslərin bir qrupu, o cümlədən “Müsəlman Birliyi” hərəkatının lideri Taleh Bağırzadə hakimiyyəti zorla ələ keçirmək və dövlət quruluşunu dəyişdirmək cəhdində ittiham olunaraq uzunmüddətli həbs cəzasına məhkum ediliblər. Digər həbs olunanların işi üzrə məhkəmə prosesləri davam edir. -16D06D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz