Bu gün Bakı Ağır Cinayətlər Məhkəməsində “Nardaran işi-3” üzrə prosesdə müttəhimlər ifadə veriblər. İş üzrə Zülfüqar Mikayılov və 11 dindar keçir.
Hakim Zeynal Ağayevin sədrliyi ilə keçirilən məhkəmə prosesində Nardaran sakini Mehman Məmmədov ifadə verib. O, irəli sürülən ittihamlarla özünü təqsirli bilmədiyini və “Müsəlman Birliyi” Hərəkatının üzvi olmadığını bildirib. “Mənə “bandotdel”də dedilər ki, iki yolun var: ya bu 10 maddəyə qol çək, ya da de ki, Taleh Bağırzadədən və Abbas Hüseynovdan qrant almısan. Məhkəmədə də ifadə verəndə de ki, Taleh sənə silah verib. Mən razılaşmadım və bildirdim ki, kiminsə üzünə durmaqdansa o maddələrə qol çəkərəm. Ona görə görə də ifadəmi təsdiqləmirəm”, - M.Məmmədov deyib.
Müttəhimlər 2015-ci il noyabrın 26-da Nardaranda keçirilən xüsusi əməliyyatdan sonra həbs ediliblər. “Müsəlman Birliyi” Hərəkatının fəalı Taleh Bağırzadəyə irəli sürülən ittihamlar onlara qarşı da sürülüb.
Növbəti məhkəmə iclası martın 6-na təyin edilib.—36C-
Cəmiyyət
-
Vəkil Aslan İsmayılov, Ali Məhkəmənin və Məhkəmə-Hüquq Şurasının sədri İnam Kərimova ictimai müraciət edərək, ölkənin məhkəmə sistemində təcili islahatlar aparılmasını tələb edib. İsmayılov, məhkəmələrdəki sistematik korrupsiya və prosedur pozuntularının ictimai narazılığı artırdığını və bunun gələcəkdə daha geniş etirazlara səbəb ola biləcəyini xəbərdarlıq edib.
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
Rəy yaz