"Nardaran işi" üzrə kimə neçə il verdilər? (Yenilənib-VİDEO)

Bakı Ağır Cinayətlər Məhkəməsi saat 17 radələrində "Nardaran işi" üzrə müttəhimlərə hökm oxunmasını yekunlaşdırıb.

"Müsəlman Birliyi" Hərəkatının sədri Taleh Bağırzadə 20 il azadlıqdan məhrumetmə cəzasına məhkum edilib. Onun müavini Abbas Hüseynov da 20 il müddətinə həbs olunub. Hər ikisi ilk yeddi ili Qobustan ciddi rejimli qapalı cəzaçəkmə müəssisəsində saxlanılacaqlar.

AXCP sədr müavini Fuad Qəhrəmanlı, Ramin Yarıyev və Aqil Quliyev hər biri 10 il müddətinə azadlıqdan məhrum edilib.

Bundan başqa, məhkəmə Cabbar Cabbarovu 19, Rasim Cəbrayılovu 17 il müddətinə azadlıqdan məhrum edib.

Qalan təqsirləndirilən şəxslər - Şamil Abdullayev, Zakir Mustafayev, Cahad Babakişizadə, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev və Abbas Tağıyev 14,5 il müddətinə azadlıqdan məhrum edilib.

Məhkəmə binası ətrafına toplaşmış 200-ə yaxın dindar hökmü dini şüarlar səsləndirməklə qarşılayıblar. -06D-

*   *   *

2017 Yanvar 25 (Çərşənbə) 16:20:59

Məhkəmə Taleh Bağırzadəni və onun müavini Abbas Hüseyni 20 il, Fuad Qəhrəmanlı, Cabbar Cabbarov, Rasim Cəbrayılov və Ramin Yarıyevi 10 il müddətinə azadlıqdan məhrum edib.

Məhkəmədə qalan müttəhimlərə hökmün oxunması davam edir. -0-

* * *

Yanvarın 25-də saat 11-də Bakı Ağır Cinayətlər Məhkəməsində "Nardaran işi" üzrə təqsirləndirilən 18 nəfər barəsində hökmün oxunması başlayıb. Bu işin fiqurantları "Müsəlman Birliyi" Hərəkatının lideri Taleh Bağırzadə və onun 16 tərəfdarı, AXCP sədr müavini Fuad Qəhrəmanlıdır.

Saat 16-da hökmün oxunması hələ davam edirdi.

Məhkəmə binasının ətrafında gücləndirilmiş təhlükəsizlik tədbirləri görülüb. Mətbuat nümayəndələri məhkəmə zalına buraxılmayıb. Məhkəmə binasının ətrafında Nardaran sakinləri və ictimai xadimlər toplaşıblar.

Xatırladaq ki, müttəhimlər qəsdən adam öldürməkdə, terrorçuluqda, kütləvi iğtişaşlar təşkil etməkdə, odlu silah və döyüş sursatlarının qanunsuz dövriyyəsində, silahlı birləşmə yaratmaqda, dini ədavət salmaqda, hakimiyyət nümayəndəsinə müqavimət göstərməkdə və ya güc tətbiq etməkdə, hakimiyyəti zorla ələ keçirməyə cəhddə ittiham olunublar.

Qəhrəmanlı kütləvi iğtişaşların təşkilində, dini ədavət salmaqda və dövlət əleyhinə çağırışlarda ittiham olunub.

Dövlət ittihamçısı Bağırzadəni ömürlük, onun müavini Abbas Hüseynovu 20 il müddətinə azadlıqdan məhrum etməyə çağırıb. Prokuror Cabbar Cabbarov üçün 19, Rasim Cəbrayılov üçün 17, Fuad Qəhrəmanlı üçün 11, Ramin Yarıyev üçün 10, digər müttəhimlər - Şamil Abdullayev, Zakir Mustafayev, Cahad Babakişizadə, Aqil Quliyev, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Babayev və Abbas Tağıyev üçün 15 il azadlıqdan məhrumetmə cəzası istəyib. -0-

Rəy yaz

Cəmiyyət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti