Cümə günü Ağır Cinayətlər Məhkəməsində “Nardaran işi” üzrə proses davam edib.
Hakim Əlövsət Abbasov ötən iclasda əsas müttəhimi – “Müsəlman Birliyi” hərəkatının lideri Taleh Bağırzadəni zaldan çıxarıb, qalan 15 müttəhim prosesdə iştiraka etiraz edib.
Buna görə bu gün zalda yalnız hakim və vəkillər var idi. Vəkillər müttəhimlər olmadan işləyə bilmədiklərini bildirərək narazılıq ediblər.
Bu zaman hakim vəkillərə təcridxanada müttəhimlərlə söhbət etməyi tövsitə edib. Bu, müttəhimlərin qohumlarının narazılığına səbəb olub, onlar zalı tərk ediblər, buna cavabda hakim onları bir daha prosesə buraxmamaqla hədələyib.
Hakim və vəkillər arasında növbəti mübahisə hakim istintaq materiallarını oxuyarkən baş verib. Müdafiə tərəfin fikrincə, hakim prosessual normaları pozub, təqdim edilən hər bir sənəd üzrə tərəflərin fikrini dinləməyib.
Sonra vəkillər hakimə yazılı şikayət verəcəklərini bildiriblər və əlavə ediblər ki, müttəhimlər onların xidmətlərindən imtina ediblər və onlar məhkəmədə iştirak edə bilməz.
Hakim növbəti iclası dekabrın 19-na təyin edib. -36/16D-
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz