Bu gün Nardaran qəsəbəsində (Bakıdan 40 km. məsafədə) qəsəbəyə elektrik enerjisi verilməsinin dayandırılması ilə əlaqədar etiraz aksiyası keçirilib.
Nardaran ağsaqqalı Natiq Kərimovun Turan-a verdiyi məlumata görə, qəsəbəyə gündəlik cəmi 6-7 saat ərzində elektrik enerjisi verilir.
AR “Bakıelektrikşəbəkə” bunu qəsəbənin 600 min manat borcu olması ilə əsaslandırır.
Bundan başqa, qəsəbəyə artıq bir ildir ki, 200 min manat borcla əlaqədar qaz verilmir.
Yerli sakinlər bu borcların ləğv edilməsini tələb edirlər və qaz və elektrik enerjisinin hər biri üçün ayda 20 manat ödəməyə razıdırlar.
Qəsəbə sakinləri müvafiq dövlət qurumlarını dekabrın 16-na qədər problemin həlli üçün öz nümayəndələrini Nardarana göndərməyə çağırıblar. Əks halda onlar etirazları davam etdirəcəklər.
Ümumilikdə qəsəbədə 1700 elektrik enerjisi və qaz abunəçisi var. -05В06-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz