Noyabrın 26-da Nardaranda baş verən hadisələr zamanı həlak olan mülki şəxslərin meyitləri hələ ailələrinə verilməyib. Bu haqda Turan-a kənd ağsaqqalı Natiq Kərimov bildirib.
Onun sözlərinə görə, həmin meyitlər Həzi Aslanov metrosunun yaxınlığındakı 7 saylı xəstəxananın morqunda saxlanılır. “Bir neçə gün öncə meyitlərin dəfn edilməsi barədə sayiələr yayıldı, amma bu meyitlərin harada dəfn edildiyini öz gözü ilə görən bir şahid belə olmadı, hətta valideynlər belə övladlarının harada dəfn edildiklərini bilmirlər. Odur ki, bu şayiə inandırıcı deyildi, elə də oldu”, - H.Kərimov qeyd edib. Onun sözlərinə görə, övladlarını itirən valideynlər bu gün saat 13:00 radələrində Nardaran pirinə çağırılıb, həmin görüşdə meyitlərin verilməsi məsələsinin müzakirə ediləcəyi deyilib.
Kənd ağsaqqalı kənddə hələ də polis postlarının qaldığını, sakinlərin yoxlanmalarının davam etdiyini nəzərə çatdırıb.
Kəndə hələ də qaz və işıq verilməyib. Onun sözlərinə görə, dünəndən “Azəriqaz” və “Azərişıq” nümayəndələri kəndin elektrik və qaz xətlərinə baxış keçirsələr də nəticə yoxdur. Camaat taxta, ağac, sellafon torbaları yandırmaqla qızınır. “Hələ də bilmirik ki, işıq olacaq ya yox, olacaqsa nə zaman olacaq?”-, N.Kərimov bildirib.-05B-
Cəmiyyət
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
Rəy yaz