Natiq Cəfərlidən ölkədən çıxmamaq haqda iltizam alınıb (YENİLƏNİB)

Ötən gün azadlığa buraxılmış REAL Hərəkatının icraçı katibi Natiq Cəfərlidən ölkədən çıxmamaq haqda iltizam alınıb. Bu barədə vəkil Cavad Cavadov bildirib.

O qeyd edib ki, N.Cəfərli azadlığa buraxıldıqdan sonra bu qərar gözlənilən idi, çünki onun barəsində cinayət işi dayandırılmayıb. Yeni həbs qətimkan tədbiri o deməkdir ki, N.Cəfərli Bakıdan kənara çıxa bilməz.

N.Cəfərli avqustun 12-də qanunsuz sahibkarlıq və vəzifə səlahiyyətindən sui-istifadə ittihamı ilə həbs olunub. REAL Hərəkatı həbsi siyasi motivli adlandırıb.

Müxalifətçinin həbsi ölkədə və dünyada rezonans doğurub - yerli və beynəlxaq hüquq-müdafiə qurumları N.Cəfərlinin həbsini pisləyiblər.

ABŞ Dövlət Departamenti və Aİ N.Cəfərlinin azadlığa buraxılmasına çağırıblar.—06B--

2016 Sentyabr 09 (Cümə) 20:30:50

REAL Hərəkatının həbsdəki icraçı katibi Natiq Cəfərli azadlığa buraxılıb. Sentyabrın 9-da axşam saatlarında Nəsimi Rayon Məhkəməsi belə qərar verib.

"Nəsimi rayon məhkəməsi mənim həbs-qətimkan tədbirinin ləğvi barədə qərar verib.Bu qərar Baş Prokurorluğun təqdimatı əsasında olub.

“Lakin mənim barəmdə olan cinayət işinin araşdırması davam edir”, - deyə o vurğulayıb.

N. Cəfərli avqustun 12-də Baş Prokurorluğun Ağır Cinayətlərə Dair İşlər üzrə İstintaq İdarəsinə çağırılıb. Daha sonra Nəsimi Rayon Məhkəməsi onun barəsində 4 ay müddətinə həbs-qətimkan tədbiri seçib.

N. Cəfərliyə Cinayət Məcəlləsinin 192.1 (qanunsuz sahibkarlıq), 308.2 (vəzifə səlahiyyətlərindən sui-istifadə) maddələri ilə ittiham irəli sürülüb. Bu ittihamlarla N. Cəfərli əmlakı müsadirə olunmaqla, 3 ildən 8 ilədək həbs edilə bilər.

REAL hərəkatı bəyanat verərək həbsi siyasi sifariş sayıb. Bəyanatda qeyd edilib ki, bu sifariş dövlət başçısından gəlib. REAL hərəkatı N. Cəfərlinin mənimsəmələrə yol vermədiyini, iddiaların cəfəngiyat olduğunu bildirir.-16b--