Bakı/28.08.17/Turan: REAL Hərəkatının icraçı direktoru Natiq Cəfərliyə qarşı Baş Prokurorluğun Ağır Cinayətlər İdarəsi tərəfindən qaldırılmış cinayət işinə xitam verilib. Bu barədə Turan-a N.Cəfərli məlumat verib.
N.Cəfərli xatırladıb ki, ona qarşı qanunsuz sahibkarlıq ittihamı irəli sürülüb.
"Mənə əsas irad qrantların Ədliyyə Nazirliyində qeydiyyatdan keçməməsi ilə bağlı idi. Ancaq vəkillər sübut etdilər ki, Ədliyyə Nazirliyində qrantların fiziki şəxslər tərəfindən qeydiyyat haqqında qanun 2014-cü ilin sonlarında qəbul edilib. Mənim ünvanıma ittihamlar bu qanunun qəbulundan öncəki dövrə aiddir", - o vurğulayıb.
N.Cəfərli qeyd edib ki, qanuna görə, əgər bir il ərzində istintaq hərəkətləri aparılmırsa cinayət işinə xitam verilir. N.Cəfərlinin sözlərinə görə, onun işi üzrə istintaq tədbirləri bir ildən çoxdur ki, aparılmır.
"Bu qərarı ədalətli hesab edirəm. Bu qərarın qəbulunda son vaxtlar Azərbaycanın beynəlxalq strukturlar tərəfindən tənqid olunması faktı da rol oynayıb", - o bildirib.
Xatırladaq ki, 2016-cı il avqustun 12-də N.Cəfərli həbs edilib. Sentyabrın 9-da onun barəsində həbs qətimkan tədbiri dəyişdirilib və o, Bakıdan çıxmamaq haqda iltizam ilə azadlığa buraxılıb.-71D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz