Bazar ertəsi Naxçıvan Apellyasiya Məhkəməsində naxçıvanlı sahibkarlar Nadir Məmmədov və Məmməd Qurbanovun şikayətinə baxılıb. Məhkəmə onların 2 ay istintaq müddətinə həbsi barədə Sədərək rayon məhkəməsinin dekabrın 11-də çıxardığı qərarı qüvvədə saxlayıb.
Eyni zamanda, məhkəmə Məmməd Qurbanovun müsadirə edilmiş “Ford” markalı yük maşınının və “Toyota” markalı minik avtomobilinin qaytarılması haqqında vəsatətini təmin edib. Lakin məhkəmənin qərarı yerinə yetirilməyib, deyə məhbusun yaxınları Turan-a bildiriblər.
Məhkəmə təhqiqatı qapalı rejimdə keçirilib. Yaxınlarının sözlərinə görə, məhkəməyə gətirilən Nadir Məmmədovun üzündə işgəncə izləri var idi.
Xatırladaq ki, bu sahibkarların həbsinə və onlara qarşı cinayət işi açılmasına dekabrın 8-də Sədərək gömrük məntəqəsində gömrükçülərlə münaqişə səbəb olub. Nəticədə sahibkarlar gömrükçülər tərəfindən döyülüb, onların minlərlə manat dəyəri olan malları isə müsadirə edilib. -23D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz