Naxçıvan MTN-in keçmiş rəhbəri 14 il müddətinə həbs edilib
Naxçıvan Muxtar Respublikasının (NMR) Ağır Cinayətlər üzrə Hərbi Məhkəməsində cümə günü bu regionun keçmiş milli təhlükəsizlik naziri Vəli Ələsgərov barəsində hökm oxunub.
Prokuror gözdən düşmüş nazirin 14 il 3 ay azadlıqdan məhrum edilməsini istəyib.
Məhkəmə onu vəzifə səlahiyyətlərini aşmaqda və qanunsuz dinləmədə təqsirli bilərək, 14 il həbs cəzasına məhkum edib, bu barədə Turan-a keçmiş nazirin vəkili Vüqar Xasayev bildirib.
“Bu, ədalətsiz, qanunsuz və insafsız qərardır”, deyən vəkil əlavə edib ki, qərardan şikayət veriləcək.
Xatırladaq ki, Ələsgərov 15 il ərzində Naxçıvan MTN-ə rəhbərlik edib. O, gözlənilmədən 2015-ci ilin dekabrında vəzifədən azad edilib. Bundan qısa müddət sonra ona qarşı mənimsəmə, sui-istifadə və səlahiyyətlərini aşma ittihamı ilə cinayət işi açılıb. Bir müddət həbsdə saxladıqdan sonra Ələsgərovu ev dustaqlığına buraxıblar. Amma o, mətbuata təqsirsiz olduğunu və həbs zamanı işgəncələrə məruz qaldığını bildirdikdən sonra yenidən həbs ediblər. İbtidai istintaqın yekunlarına görə Ələsgərova qarşı daha bir ittiham - qanunsuz dinləmə ittihamı irəli sürülüb. Məhkəmə prosesi qapalı rejimdə keçirilib. -06B-
-
- İqtisadiyyat
- 24 İyun 2016 18:19
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz