Naxçıvan Muxtar Respublikasının Şərur rayonunun Zeyvə kənd sakini, 1957-ci il təvəllüdlü Həsən Əli oğlu Əliyevin anası Turan agentliyinə müraciət edərək, oğlunun yoxa çıxdığını bildirib.
Əliyev beş ay əvvəl Naxçıvandan Türkiyəyə gedib və həmin vaxtdan etibarən onun haqqında heç bir məlumat yoxdur. Doğmaları Naxçıvan və Türkiyənin hüquq-mühafizə orqanlarına müraciət ediblər, amma hələ də Əliyevin taleyinə aydınlıq gətirmək mümkün olmayıb.
Qohumları hesab edirlər ki, Əliyevin yoxa çıxması bu ilin yanvarında İstanbulda, Şərur rayonunun kürd və azərbaycanlı sakinlərinin toyunda baş vermiş dava ilə bağlıdır.
Davada bir etnik kürd dünyasını dəyişib, kürd diasporunun nümayəndələri onun qisasını almağa söz veriblər. Əliyev davada iştirak etməyib, amma yerli sakinlər arasında nüfuza malik idi.
Naxçıvana gələn Əliyev bir müddət sonra Türkiyəyə ailəsinin yanına gedib, amma doğmalarının yanına gedib çatmayıb.
Qohumları hüquq-mühafizə orqanlarının araşdırma aparmamasından narazıdırlar və KİV vasitəsilə Azərbaycan hakimiyyətini ölkə vətəndaşının axtarışı ilə məşğul olmağa və onun taleyinə aydınlıq gətirməyə çağırırlar. -06D-
Cəmiyyət
-
Azercell “Həyatı daha dolğun edirik: Qadınlara Dəstək Proqramı” sosial layihə müsabiqəsi çərçivəsində layihənin qaliblərindən biri olan “Balans” İctimai Birliyi ilə bərabər Şəkidə qadın sahibkarlığını təşviq edən proqram həyata keçirib.
-
Yeni imzalanan "Bakı şəhərində və ətraf ərazilərdə nəqliyyat infrastrukturunun təkmilləşdirilməsinə dair 2025-2030-cu illər üçün Dövlət Proqramı" indidən müzakirələrə səbəb olub. Sənəddə dövlət orqanları, təhsil və tibb müəssisələrinin iş rejiminin dəyişkən qrafikə əsasən təşkili nəzərdə tutulub.
-
Leysan yağışları nəticəsində Lənkəran şəhərinin bəzi rayonlarını, o cümlədən Girdəni, Kosalar və Şiləvar kəndlərini su basıb, bu barədə Azərbaycan FHN məlumat yayıb.
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
Rəy yaz