![2016-cı ilin I rübündə AÇG neftinin sutkalıq hasilatı 1,5% azalıb](https://turan.az/resized/750/500/resize/media/2016/main/052400157088.gif)
2016-cı ilin I rübündə AÇG neftinin sutkalıq hasilatı 1,5% azalıb
2016-cı ilin I rübündə Azəri-Çıraq-Günəşli layihəsi çərçivəsində orta sutkalıq hasilat 651 min barrel olub. Bu göstərici ötən ilin eyni dövründəkindən 10 min barrel və ya 1,51% azdır. Bu barədə BP-Azerbaijan şirkətinin rüblük hesabatında bildirilir.
2016-cı ilin I rübündə AÇG-də hasilat həcmi 59,2 mln barrel və ya 8 mln ton olub. Ötən ilin I rübündə bu göstərici 59,5 mln barrel və 8,08 mln barrel olub.
Hasilat həcmini sabitləşdirmək üçün konsorsium neft quyularına səmt qazı vurulmasını 42.3% artırıb, 5 istismar və 2 suvurma quyusu qazıb.
BP-Azerbaijan-ın məlumatına görə, şirkət 2016-cı ilin I rübündə AÇG bloku üzrə xərcləri ötən ilin eyni dövrünə nisbətən 15,4% – $533 mln-dək azaldıb.
2016-ci ilin I rübündə layihə çərçivəsində əməliyyat məsrəfləri təqribən 137 milyon dollar, əsaslı məsrəflər isə 396 milyard dollar təşkil edib.
2016-ci ilin I rübündə “Çıraq” özülündən sutkada 46 min barrel (2015-ci ilin I rübündə 54 min barrel), «Mərkəzi Azəri»də – 155 min bar/sutka (159 min bar/sutka), «Qərbi Azəri»də 116 min bar/sutka (129 min bar/sutka), «Şərqi Azəri»də 69 min barrel (71 min bar/sutka), «Dərinsulu Günəşli»də 139 min bar/sutka (149 min bar/sutka), «Qərbi Çıraq»da 126 min bar/sutka (99 min bar/sutka) neft çıxarılıb.
AÇG yatağından neft hasilatı 2015-ci ildə 31,3 mln ton olub.
AÇG-nin işlənməsi üzrə müqavilə 20 sentyabr 1994-cü ildə bağlanılıb, 12 dekabrda qüvvəyə minib.
* Xatırladaq ki, AÇG-də BP (operator – 35,8%), SOCAR (11,6%), "Chevron" (11,3%), "İnpex" (11%), "Statoil" (8,6%), "ExxonMobil" (8%), TPAO (6,8%), "İtochu" (4,3%), "ONGC Videsh Ltd." (OVL, 2,7%) iştirak payına malikdir.
“Çıraq” yatağında hasilat 1997-ci ilin noyabrında, «Mərkəzi Azəri»də 13 fevral 2005-ci ildə, «Qərbi Azəri»də 30 dekabr 2005-ci ildə, «Şərqi Azəri»də 21 oktyabr 2006-cı ildə, «Dərinsulu Günəşli»də 2008-ci ilin aprelində, «Qərbi Çıraq»da 29 yanvar 2014-cü ildə başlayıb. –12B--
-
- İqtisadiyyat
- 24 May 2016 14:59
-
- Cəmiyyət
- 24 May 2016 15:10
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz