“Naxçıvanqala” tarix-memarlıq muzey kompleksinin konstruksiyasının uçması nəticəsində ən azı 6 nəfər xəsarət alaraq hospitala yerləşdirilib.
İnsident mayın 10-da axşam Naxçıvanda qədim qala ərazisində muzey kompleksinin yaxınlığında konsert zamanı baş verib. Adamların ağırlığına dayanmayan beton nərdivan uçub.
Qeyd edək ki, bu muzey kompleks bir neçə ay öncə açılıb.
Turan-ın bölgə müxbirinin məlumatına görə, 6 zərərçəkən Naxçıvan xəstəxanasının travmatologiya şöbəsinə yerləşdirilib. Onlardan ən yaşlısının 75, kiçiyinin 2 yaşı var. Onların əlləri və ayaqları sınıb. Mayın 12-də səhər zərərçəkənlərin hamısı evə yazılıb.
Nə NMR, nə də Azərbaycanın dövlət orqanları hadisə barədə rəsmi məlumat təqdim etmirlər. Təhqiqatın aparılıb-aparılmadığı da məlum deyil.—23B—
Cəmiyyət
-
Yanvarın 24-də Bakıda hava tutqun, yağıntısız olacaq. Cənub-qərb küləyi gündüz şimal-qərb küləyi ilə əvəz olunacaq. Gecə 5-8 dərəcə, gündüz 8-11 dərəcə isti olacaq. Nisbi rütubət 70-80% təşkil edəcək.
-
Yanvarın 20-də "Lənkəran" sərhəd dəstəsinin xidməti ərazisində ümumi çəkisi 80 kiloqram 685 qram narkotik vasitə (77 kq 645 qram marixuana, 3 kq 35 qram heroin, 5 qram tiryək),1000 ədəd narkotik tərkibli metadon M-40 və 245 ədəd müxtəlif tərkibli dərman həbinin qaçaqmalçılıq yolu ilə İran İslam Respublikası ərazisindən Azərbaycan Respublikasına keçirilməsinin qarşısı alınıb.
-
Artıq bütün Azercell müştəriləri süni zəka texnologiyasına əsaslanan “AI Chat Bot” xidmətindən yararlana bilərlər Azercell-in süni zəka texnologiyası əsasında işləyən innovativ “AI Chat Bot” xidməti artıq iOS istifadəçiləri üçün də əlçatandır. Abunəçilərə ən üstün müştəri təcrübəsini təqdim etməyə yönəlmiş yeni həll müştəri sorğularını 24/7 rejimində operativ şəkildə cavablandırır.
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
Rəy yaz