Bakı/03.06.19/Turan: Səhiyyə naziri Oqtay Şirəliyev "Kanal 8" İnternet TV-nin jurnalisti Teymur Kərimovu böhtanda ittiham edərək məhkəməyə verib. Məhkəmə prosesi iyunun 7-də Nəsimi Rayon Məhkəməsində olacaq.
T.Kərimov "Azadlıq" radiosuna bildirib ki, nazir onu CM-in 147.2 maddəsilə ilə ittiham edir və məhkəmədən jurnalistin cinayət məsuliyyətinə cəlb olunmasını xahiş edir.
Məsələ ilə bağlı Turan-ın sorğusuna cavab olaraq Səhiyyə Nazirliyindən bildiriblər ki, yuxarıda deyilənlərə dair bəyanat olacaq.
Mayın 18-də jurnalist Teymur Kərimov anasının müalicəsinə pul toplamaq üçün Səhiyyə Nazirliyinin qarşısında aksiya keçirib. O deyib ki, səhiyyə sistemində rüşvətxorluq hökm sürür.
Öz növbəsində Səhiyyə Nazirliyi bildirib ki, T.Kərimovun anası dövlət hesabına müalicə olunur, bütün ittihamlar əsassızdır.
Jurnalist qeyd edib ki, söylədiklərinə dair sübutları məhkəməyə təqdim edəcək. "Mən həkimə rüşvət verildiyini videoya çəkmişəm və məhkəməyə təqdim edəcəm. Anama lazımi dərmanlar verilmir. Qoy, nazir təsdiqləsin ki, bu dərmanların heç olmasa biri anama verilib", - T.Kərimov deyib.-0-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz