Nazirlər İslamiadaya hazırlıq barədə hesabat veriblər

Bakı/21.04.17/Turan: Aprelin 21-də birinci vitse-prezident Mehriban Əliyevanın sədrliyi ilə 12-22 may tarixlərində Bakıda keçiriləcək IV İslam Həmrəyliyi Oyunları üzrə təşkilat komitəsinin iclası keçirilib.

Əliyeva Azərbaycanı “müsəlman dünyasının ayrılmaz tərkib hissəsi” adlandırıb. Azərbaycan bütün müsəlman ölkələri ilə dostluq, qardaşlıq, qarşılıqlı hörmət əsasında münasibətlər qurur.

Onun sözlərinə görə, İslam Oyunları müsəlman ölkələri arasında əməkdaşlığın möhkəmləndirilməsi işinə töhfə verəcək.

Oyunlara 57 ölkədən 3 min idmançı gələcək. İndiyədək belə genişmiqyaslı İslam Oyunları keçirilməyib. 16 idman meydanında 23 idman növü üzrə yarışlar keçiriləcək və 50-dən çox ölkədə 1 mlrd. televiziya tamaşıçısı onları izləyəcək.

Bununla belə, Əliyeva təhlükəsizlik məsələlərinə, İKT imkanlarından istifadəyə, turizm marşrutlarının və mədəniyyət proqramlarının tərtib edilməsinə, hərtərəfli tibbi xidmətin göstərilməsinə xüsusi diqqət yetirmək zərurətini vurğulayıb.

Müşavirədə gənclər və idman naziri və İslamiada Təşkilat Komitəsinin icraçı direktoru Azad Rəhimov, DİN rəhbəri Ramil Usubov, Xüsusi Dövlət Mühafizə Xidmətinin rəisi Vaqif Axundov, mədəniyyət və turizm naziri Əbülfəz Qarayev, Bakı Nəqliyyat Agentliyinin baş direktoru Vüsal Kərimli görülmüş işlər barədə hesabat veriblər. -06В-