N.Cəfəroğlu: İcra qurumlarından narazılıq artır

Birgə İşçi Qrupun nümayəndələri bu gün Qadın Hüquqlarını Müdafiə Cəmiyyətinin ofisində ölkədaxili durumla bağlı mətbuat konfransı keçiriblər.

Mətbuat konfransında icra və məhkəmə hakimiyyətləri ciddi tənqidə məruz qoyulub. Hüquq müdafiəçisi Novella Cəfəroğlu son vaxtlar icra qurumlarının fəaliyyətilə bağlı çoxsaylı şikayət məktubları aldıqlarını nəzərə çatdırıb. “Sosial vəziyyətdən polisin vətəndaşla rəftarına qədər geniş spektrlə bağlı şikayətlər alırıq, vətəndaşlar yuxarı instansiyalarda problemlərinin həll olunduğunu, amma bütün biabırçılıqların rayonlar səviyyəsində baş verdiyini deyirlər. Rayon isntansiyalarında bir kiçik məsələni belə həıll etməyin mümkünsüz olduğunu bildirirlər”.

O qeyd edib ki, ölkədə bütün diqqət siyasi məhbus məsələsinə yönəlib, sıravi vətəndaşların problemləri yaddan çıxıb. “Biz siyasi məhbus məsələsini gözardı etmirik, siyasi məhbus məsələsi daim diqqət mərkəzindədir, bu, bir kateqoriyadır. Amma haqsızlığa məruz qalan insanların geniş hissəsi deyil. Sıravi vətəndaşların problemləri isə diqqəti cəlb etmədiyi üçün minlərlə insanın hansı haqsızlıqlara məruz qalması qeydə belə alınmır”.

N.Cəfəroğlu  qeyd edib ki, Sosial Müdafiə Fondu ilə bağlı şikayətlər var. Təkbaşına övladını böyüdən anaya verilən müavinətin 6 ayını sosial müdafiə qururmlarının əməkdaşları insanların əllərindən alır, yalnız 6 ayın pulunu ailəyə verirlər. “Bu, nə rəzalətdir, nə biabırçılıqdır, bilmirəm”. N.Cəfəroğlu təhsil sahəsində birinci sinfə test üsulu ilə qəbulu mənasız və yersiz adlandırıb. “Əvvəla uaşqlar belə test imtahanına hazır ola bilmirlər. Əgər ölkə uşaqlarının böyük hissəsi məktəbəqədər müəssisələrlə əhatə edilməyibsə, bu test imtahanı sisteminə uşaqlar harada yiyələnməlidirlər, bunu anlamırıq”.

Hüquq müdafiəçisi səhiyyə sistemində qiymətlərin baha olmasna da toxunub. “Özəl klinikalarda hər-hansı cərrahiyyə əməliyyatı ilə bağlı elə qiymətlər deyirlər ki, hazırda Azərbaycanda barmaq qədər sayılan insan həmin vəsaitlərə sahib ola bilər. O zaman sual yaranır ki, qalan insanlar nə etməldir?  Ölümü gözləməlidir?” O, dövləti dövlət xəstəxanalarında da özəl klinikalardakı şəraiti yaratmağa çağırıb.

Hüquq müdafiəçisi polis sistemindən də şikayətini dilə gətirib. “Vətəndaş polisə düşür döyülür, təhqirə, alçaldılmağa məruz qoyulur”, - deyən N.Cəfəroğlunun  fikrincə, geniş islahatlar sistemi olmadan hər-hansı irəliləyişə nail olmaq mümkün deyil.

QHT-lərin durumu da müzakirə obyekti olub. N.Cəfəroğlu deyib ki, QHT-lər maiddi və fəlaiyyət baxımından pis duruma düşüblər. “Donorlara ölkəyə gəlməyə imkan verilimir, fəaliyyət imkanları məhdudlaşdırılıb, QHT-lərin problemlərinin həlli görünmür”, - deyə hüquq müdafiəçisi mövqeyini ifadə edib. Onun fikrincə, hansısa bir əl elə bil ki, ölkədə məhz narazılıq yaradılmasını idarə edir. N.Cəfəroğlu haqqında danışdıqları məsələlərin müzakirəsilə bağlı Birgə İşçi Qrup adından dövlət başçısı İlham Əliyevə və PA-nın şöbə müdiri Fuad Ələsgərova müraciət ünvanladıqlarını söyləyib. -0-