2015-ci il dekabrın 4-də “Günəşli” yatağı 10 saylı platformada itkin düşən 15-ə qədər nefçinin ailə üzvləri bu gün Dövlət Neft Şirkətinin vitse-prezdenti Xaliq Məmmədovla görüşüblər.
Neftçi ailələri axtarışların zəif getməsinə, indiyə kimi xeyi neftçinin cəsədinin tapılmamasına narazılıqlarını ifadə ediblər. Xaliq Məmmədov isə axtarışları Neft Şirkətinin yox, Fövqəladə Hallar Nazirliyinin apardığını söyləyib.
“Biz əlimizdən gələni edirik, meyitlərin tapılması isə artıq Allaha qalıb”, - X. Məmmədov itkin düşən neftçilərin ailə üzvlərinə bildirib.
2015-ci il dekbarın 4-də “Günəşli” yatağı 10 saylı platformada yanğın baş verib. 34 nəfər neftçini xilas etmək mümkün olub. 31 nəfər itkin düşüb,
18 nəfərin cəsədi hələ də axtarılır. Axtarışı Fövqəladə Hallar Nazirliyi aparır.-05B-
2016 Yanvar 18 (Bazar ertəsi) 11:56:56
2015-ci il dekabrın 4-də “Günəşli” yatağındakı 10 saylı platformada itkin düşən 15-ə qədər neftçinin ailəsi hazırda Dövlət Neft Şirkətinin (ADNŞ) binası önünə toplaşıb. Ailələr 2015-ci il dekabrın 4-də itkin düşən neftçilərin meyitlərinin tapılmasını tələb edirlər. İtkin düşənlərin ailə üzvləri Şirkətin rəhbərliyi ilə görüşdədir.
2015-ci il dekabrın 4-də “Günəşli” yatağında baş verən yanğın zamanı 34 nəfər xilas edilib. 31 nəfər itkin düşüb. İtkin düşən 31 nəfərdən 13 nəfərin meyiti tapılıb. 18 nəfərin cəsədi isə hələ də axtarılır.(azadlıq)
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz