"Bank Technique» ASC-nin əsas səhmdarı Etibar Əliyev Bank Technique-da payını 87,06%- dək artırır. Qalan pay belə bölünüb: Allahverdi Dəmirov 4,9%, Mircəfər Cabbarov - 8,04%.
«Bank Technique» ASC-nin nizamnamə kapitalı 75,1 mln manatdır. 2012-ci ilin I rübünə kimi (MTN əməkdaşları o vaxt Əliyevi həbs edib) çətinliyi olmayıb. Sonra biznesi əlindən alındı, 19 iyun 2013-cü ildə bakı Fond Birjasında 48 mln 565 min manat (48 565 səhm) məbləğində birjadankənar əqd imzalandı.
QKDK-nın normativinə zidd olaraq, alıcı barədə məlumat verilmədi. Turan-ın məlumatına görə, söhbət Adil Məmmədovun nəzarət etdiyi «World Wines», firmasının 75% səhmlərindən gedir. Hesabatda qeyd edilir ki, 23 aprel 2013-cü ildə «World Wines» və Lüksemburqda qeydiyyatda olan «Beaufort Investissements SA» korporasiyası arasında bankın səhmlərinin alınması barədə saziş imzalanıb.
Həmin ilin 10 mayında Lüksemburq şirkəti 10 mln 355 min manat ilkin ödəniş edib. 31 mart 2009-cu ildə qeydiyyata alınan «Beaufort Investissements SA» SC-nin Azərbaycan kökləri var. Bu ölkənin kommersiya şəxslərin reyestrində ( http://opencorporates.com/companies/lu/B145413 ) Azərbaycandan bir neçə nəfərin adı keçir.
Həmin ilin aprelində bankın digər səhmdarları 25% səhmin 11,58%-i satıb. 10% «Kazimir Caspian Fund Limited» şirkətinə, 15% -Etibar Əliyevə məxsus idi. --17D—
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz