Açıq mənbələrdən foto
Bakı/19.05.21/Turan: "Neftçi" futbol klubu Azərbaycan Premyer Liqasının yekun turunda "Qarabağ"ı 1:0 hesabı ilə məğlub edərək, ölkə çempionu olub.
Son turdan əvvəl "Qarabağ" bakılılardan bir xal irəlidə idi və onlar arasındakı oyun faktiki olaraq "qızıl matç"a çevrildi.
"Neftçi"nin heyətində həlledici qolu 89-cu dəqiqədə bolqarıstanlı legioner Ahmet Ahmetov vurub.
Bununla da "Neftçi" ağdamlıların yeddi illik çempionluq seriyasını pozdu. "Neftçi" doqquzuncu dəfə çempionatın qalibi olaraq, çempionluq sayına görə yeni rekord müəyyən etdi.
Bundan əvvəl hər iki klub 8 dəfə Azərbaycan çempionu və 6 dəfə ölkə kubokunun qalibi olmuşdu. "Qarabağ" ilk dəfə 1993-cü ildə Azərbaycan çempionu olub. Daha sonra 2014-cü ildən başlayaraq Ağdam klubu ardıcıl olaraq 7 dəfə çempion adını qazanaraq, Azərbaycan futbolunun dəyişməz liderinə çevrilmişdi.
"Neftçi" Azərbaycanın 1992-ci ildə keçirilmiş ilk çempionatının qalibidir. "Neftçi"lərin digər 7 çempionluğu 1995, 1996, 2004, 2005, 2011, 2012 və 2013-cü illərə təsadüf edib.
"Neftçi" Avropa kuboklarının qrup mərhələsinə keçən ilk Azərbaycan klubudur. 2012/2013-cü il mövsümündə bakılılar Avropa Liqasının qrup mərhələsinə vəsiqə qazanıb.
"Qarabağ" isə Çempionlar Liqasının qrup mərhələsində oynayan ilk Azərbaycan klubudur. Bu, 2017/2018-ci il mövsümündə olub. Bundan başqa, ağdamlılar digər Azərbaycan klublarından daha çox Avropa kuboklarının qrup mərhələlərinə vəsiqə qazanıb. Çempionlar Liqasının qrup mərhələsi ilə yanaşı, "Qarabağ" beş dəfə (2014/2015, 2015/2016, 2016/2017, 2018/2019, 2019/2020) Avropa Liqasının qrup liqasına düşüb.
Hazırki mövsümün bürünc medalçısı "Sumqayıt" oldu. Bu komanda yekun turdan əvvəl dördüncü yerdə idi və üçüncü yerdə olan "Zirə"dən 2 xal geridə idi. Son turda "Sumqayıt" "Səbail" klubunu 1:0 hesabı ilə məğlub edib, "Zirə" isə "Sabah" klubuna 1:2 hesabı ilə məğlub olub.
Çempionatın bombardiri mövsüm ərzində 19 qol vuran "Neftçi"nin hücumçusu Namiq Ələsgərov olub. -71D-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz