Bakı/11.05.19/Turan: Azərbaycan Premyer Liqası başa çatmasına iki tur qalmış çempionluğunu əlindən çıxaran və bununla da öz azarkeşlərini məyus edən "Neftçi" klubu, sonda onlara şok "sürpriz" etdi.
Belə ki, Bakı klubu çempionatın son turunda vaxtından əvvəl çempion olmuş "Qarabağ" ilə matçın biletinin qiymətini 50 manat məbləğində müəyyən edib. Bu barədə informasiya komandanın saytında yerləşdirilib.
Bununla da "Neftçi" FK bu mövsümdə Azərbaycanın ən yaxşı klubu titulunu qazanmağa çalışan iki komandanın oyununu maraqla gözləyən öz azarkeşlərinin, həm də neytral azarkeşlərin ədalətli qəzəbinə səbəb olub.
Qeyd edək ki, adətən "Neftçi" üçün ev sayılan "Bakcell Arena" stadionu adi sektorlar üçün 1 manat, VİP sektorlar üçün 5 manat olurdu. Hətta belə qiymətlərlə belə stadiona maksimum 1000-1200 nəfər gəlirdi.
Belə qərarı qəbul edən məsul şəxslərn nəyə əsaslandığı məlum deyil. Sosial şəbəkələrdə müzakirələrdə belə versiya səslənir ki, komanda çempionluğu əldən verdikdən sonra "Neftçi" rəhbərliyi narazı şüarlardan ehtiyat edərək stadionda çox sayda tamaşaçı görmək istəmir.
Xatırladaq ki, "Neftçi" çempionatın sonuna qədər iki turda öz evində "Sumqayıt" klubuna 2:3 hesabı ilə məğlub olub. Matçdan sonra "Neftçi"nin fanatları komandanın avtobusunun yanına toplaşaraq ayrı-ayrı oyunçuların və baş məşqçinin ünvanına xoşagəlməz şüarlar səsləndiriblər. Qəbələdə eyniadlı komanda ilə oyunların birində də matçın sonunda oxşar mənzərə yaranmışdı. Matçda qələbəyə ("Neftçi"yə heç bir şey qazandırmadı) baxmayaraq, azarkeşlər buraxılmış çempionluq ilə bağlı narazılıq ifadə etmişdilər.
Nəhayət, qeyd edək ki, Bakı Olimpiya Stadionunda "Qarabağ"ın iştirakı ilə Avropa Liqasının qrup mərhələsinin matçlarının orta qiyməti 20-30 manat təşkil edib. "Qarabağ" isə İngiltərənin "Arsenal", Portuqaliyanın "Sportinq" və Ukraynanın "Vorskla" komandaları ilə qarşılaşıb. 71D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz