Nərimanov rayon məhkəməsi Meydan TV-nin əməkdaşı barədə həbs qərarı çıxarmadığını bildirib
Meydan TV ilə əməkdaşlıq edən reportyor Şirin Abbasovun inzibati qaydada həbsi ilə bağlı Nərimanov rayon məhkəməsi qərar qəbul etməyib. Bu barədə vəkil Elçin Sadıqov Facebook səhifəsində yazıb.
Vəkil fikrini Nərimanov rayon məhkəməsinin onun sorğusuna cavabı ilə əsaslandırıb.
“Azərbaycan Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin (BMCMİ) icraatında olan inzibati və cinayət işləri üzrə ərazi aidiyyəti Bakı şəhəri Nərimanov Rayon Məhkəməsidir. Məhz BMCMİ-dən bildirmişdilər ki, Meydan TV ilə əməkdaşlıq edən reportyor Şirin Abbasov barədə inzibati həbs qərarını Nərimanov rayon məhkəməsi verib. Məsələ ilə bağlı Nərimanov rayon məhkəməsinə sorğu göndərdim. Yazılı arayış verdilər ki, Nərimanov rayon məhkəməsinin icraatında ümumiyyətlə belə bir iş olmayıb”, deyə vəkil qeyd edib.
Şirin Abbasov sentyabr 16-da Bakı Dövlət Universitetinə dərsə gedərkən saxlanılıb. Vəkil Sadıqov bir neçə gün öncə DİN-in Baş Mütəşəkkil Cinayətkarlıqla Mübarizə İdarəsindən ona Abbasov barədə Nərimanov rayon məhkəməsinin 30 sutka inzibati həbs qərarının olduğunu bildirdiklərini deyib. -03D-
-
- İqtisadiyyat
- 28 Sentyabr 2015 16:35
-
- Cəmiyyət
- 28 Sentyabr 2015 16:58
Cəmiyyət
-
Milli Hidrometeorologiya Xidməti 27 yanvar tarixində Azərbaycanın ərazisində dəyişkən hava şəraiti olacağını proqnozlaşdırır.
-
Fazil Qasımov, tanınmış alim Qubad İbadoğlu ilə birlikdə saxta pul hazırlamaqda ittiham olunan Azərbaycanlı iqtisadçı, iş üzrə digər təqsirləndirilən şəxs Anar Əliyevin, hüquq komandasını buraxmazsa, onu öldürməklə hədələdiyini iddia edib.
-
Bazar günü, yanvarın 26-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, gün ərzində bəzi yerlərdə arabir çiskinli yağış yağacağı gözlənilir. Şimal-qərb küləyi əsəcək.
-
Azərbaycanın İnformasiya və Kommunikasiya Texnologiyaları Agentliyi (İKTA) ölkədə fəaliyyət göstərən internet provayderlərinin (İSP) son reytinqini açıqlayıb. Reytinqdə provayderlər iki əsas meyara — istehlakçı şikayətlərinin sayına və müraciətlərə cavab vermə sürətinə görə qiymətləndirilib. Nəticələr isə ölkənin İSP-ləri arasında keyfiyyət baxımından ciddi fərqləri üzə çıxarıb.
Rəy yaz