Ниджат Амирасланов
Bakı/22.06.17/Turan: İnzibati qaydada həbs edilmiş jurnalist Nicat Əmiraslanov iyunun 21-də sərbəst buraxılıb. Bu barədə onun yaxınları bildiriblər.
N.Əmiraslanov azadlığa çıxdıqdan sonra mətbuata hər hansı açıqlama verməyib.
Jurnalist Qazaxda çalışır. Bu il mayın 22-də yerli məhkəmə onu polisin əmrinə tabe olmamaq ittihamı ilə 30 sutka həbs etmişdi.
Onun vəkili Elçin Sadıqov bildirib ki, jurnalist polisin təzyiqlərinə görə apellyasiya verməyib.
"Biz Nicat Əmiraslanovu saxlanmadan əvvəl görmüşdük. İndi ağzında bir dişi belə qalmayıb",- vəkil bildirib. Onun sözlərinə görə, N.Əmiraslanov deyib ki, "dişlər özləri düşüb". Həmçinin bildirib ki, könüllü olaraq apellyasiya şikayətindən imtina edib.
Nə Qazax polisi, nə də DİN jurnalistin işgəncəyə məruz qalması barədə deyilənləri şərh etməyiblər.
Xatırladaq ki, jurnalistin həbsinin əsl səbəbi Facebook-da yazdığı statusdur. Belə ki, o, Mehriban Əliyevanı "Napoleon" tortu ilə müqayisə edərək rişxənd etmişdi.0-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz