NİDA-çı sərbəst buraxıldığını açıqlayıb (YENİLƏNİB)

NİDA Vətəndaş Hərəkatının üzvü Fərrux Məmmədzadə avqustun 5-də axşam saatlarında sərbəst buraxıldığını açıqlayıb.

Amma o, detallı danışmaq istəməyib. 

@Nidaçı fəal Fərrux Məmmədzadə sərbəst buraxılıb. Gecə Lənkərandan Bandotdelə gətirilib, sonra da Keçmiş Ağır Cinayətlər üzrə İstintaq İdarəsinə aparılıb, orda ifadə alınıb, biraz əvvəl buraxılıb",  -  öz növbəsindı NİDA hərəkatının idarə heyətinin üzvü Ülvi Həsənli öz facebbok səhifəsində yazlb.

*   *   *

2020 Avqust 05 (Çərşənbə) 22:07:58

NİDA fəalı saxlanılıb

Bakı/05.08.20/Turan: Avqustun 4-də axşam saat 9-da Lənkəran şəhərində NİDA hərəkatının fəalı Fərrux Məmmədzadə saxlanılıb. Polis gənci evindən polis idarəsinə aparıb. Səhərə qədər onun valideynlərinə heç bir məlumat verilməyib. Avqustun 5-də günortaya yaxın onlara bildiriblər ki, Məmmədzadə Bakıya, DİN-in Mütəşəkkil Cinayətkarlığa qarşı Mübarizə Baş İdarəsinə aparılıb. Bu barədə Turan-a NİDA hərəkatının idarə heyətinin üzvü Ülvi Həsənli bildirib.

Məmmədzadə ictimai fəaldır, o, bu yaxınlarda bələdiyyə və parlament seçkilərində fəal iştırak edib.

O, həmçinin iyulun 14-15-də Bakıda orduya dəstək mitinqində iştirak edib. Amma o, qanunsuz əməllərdə iştirak etməyib və həmişə təxribatlara qarşı olub, deyə Həsənli bildirib. -06D-