Bakı/16.05.17/Turan: NİDA Vətəndaş Hərəkatının həbsdə olan üzvü İlkin Rüstəmzadə nəhayət xəstəxana hospitalına köçürülüb. Bu haqda onun bacısı Türkan Rüstəmzadə xəbər verib.
O, bu barədə mayın 15-də qardaşı ilə telefonla danışarkən öyrənib.
"Hələlik hansı müalicənin təyin ediləcəyi haqqında məlumat yoxdur", deyə o bildirib.
Bir neçə gün əvvəl İ.Rüstəmzadənin yaxınları cəzaçəkmə müəssisəsinin həkiminin təqdimat verməsinə baxmayaraq, Penitensiar Xidmətin (PX) gənc fəalın xəstəxanaya yerləşdirilməsinə icazə vermədiyini demişdilər.
İ.Rüstəmzadənin hələ mart ayında kəskin ağrıları başlamışdı.
Həkimlər onun mədə xorasından və nevrozdan əziyyət çəkdiyini bildirirdilər. Amma həmin vaxtdan hakimiyyət onun normal müalicə olunması haqqında tələblərə məhəl qoymurdu.
Rüstəmzadə 2013-cü il martın 10-da iğtişaşların təşkili ittihamı ilə 7 digər NİDA fəalı ilə birlikdə həbs olunub. Onlar hamısı uzunmüddətli həbs cəzaları alıblar. Əslində isə fəallar dinc şəraitdə əsgər ölümlərinə qarşı dinc etiraz aksiyası təşkil etmişdilər.
Bu gün yalnız Rüstəmzadə həbsdə qalıb, digər fəallar əvf olunub.
"Amnesty İnternational" Rüstəmzadəni və onunla birlikdə həbs olunmuş digər şəxsləri "vicdan məhbusu" kimi tanıyıb. -05B06-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz