Bu gün Ağır Cinayətlərə dair İşlər üzrə Məhkəmədə Cavid Hüseynovun sədrliyi ilə 7 NİDA fəalının və “Azad gənclik” təşkilatının üzvünün işi üzrə növbəti iclas keçirilib.
Zaldakılar müttəhimlərli alqışlarla qarşılayıblar.
Təqsirləndirilən şəxslər və onların tərəfdarları zalda səs yaxşı eşidilmədiyi üçün mikrofonların qoşulmasını tələb ediblər.
“Biz Hacı Məmmədovdan (keçmiş DİN əməkdaşı, qanqster qrupunun rəhbəri, ömürlük həbs cəzasına məhkum edilib) daha ağır cinayət törətmişik?”, deyən təqsirləndirilən Zaur Qurbanlı Məmmədovun prosesdə mikrofonla danışdığını xatırladıb. Lakin hakim gəncin iradına məhəl qoymayıb.
Daha sonra o, NİDA hərəkatının idarə heyətinin üzvü, təqsirləndirilən Rəşad Həsənova ifadə verməyi təklif edib. Lakin o, bundan imtina edib. Daha sonra hakim özü istintaqda verilmiş ifadələri oxumağa başlayıb.
Həsənov martın 14-də saxlanılıb və elə həmin gün MTN-də bildirib ki, özünü təqsirli bilmir. O qeyd edib ki, əsgər ölümlərinə qarşı dinc etiraz aksiyasında iştirak edib, “Molotov kokteylləri”ndən istifadə ilə iğtişaşlar hazırlamaq ittihamını isə təkzib edib.
Bununla belə, müstəntiqin suallarına cavab verən Həsənov ABŞ-ın Milli Demokratiya İnstitutunun yerli ofisinin əməkdaşı Ruslan Əsədovla tanış olduğunu etiraf edib. Lakin NİDA heç vaxt MDİ-dən maliyyə yardımı almayıb.
Həsənov ibtidai istintaq zamanı verdiyi ifadələri təsdiq edib və hələ də nədə ittiham olunduğunu anlamadığını bildirib.
Daha sonra məhkəmədə prokurorun və vəkillərin suallarına cavab verən Həsənov qeyd edib ki, Məməd Əzizovla üzləşmə zamanı Əzizov təzyiq altında ifadə verdiyini bildirib.
Həsənov bəyan edib ki, NİDA-nın məqsədi dinc mübarizə vasitələri ilə demokratik islahatlara nail olmaqdır.
Həsənov 10 mart etiraz aksiyasında Facebook-da yaradılmış qrupun yerləşdirdiyi dəvətlə əlaqədar iştirak edib. NİDA özü aksiya təşkil etməyib.
“Bizim bu hakimiyyəti Misirdəki kimi inqilablarla devirmək planımız yoxdur”, deyə Həsənov digər fəalların onun Molotov kokteylləri vasitəsilə Misirdəki kimi inqilab törətmək təklif etdiyi haqqında saxtalaşdırılmış ifadələrinə istehza edib.
Proses dekabrın 26-da davam edəcək.
Xatırladaq ki, gənclər Bakıda martın 10-da Fəvvarələr Meydanında keçirilmiş etiraz aksiyası zamanı kütləvi iğtişaşlar hazırlamaqda ittiham olunurlar. Onlara qarşı həmçinin qanunsuz partlayıcı maddə, narkotik saxlamaq, habelə xuliqanlıq ittihamları irəli sürülüb. -16C06-
Cəmiyyət
-
İyulun 19-da Bakıda və Abşeronda hava tutqun olacaq, yarımadada yağış yağa bilər. Havanın temperaturu gündüz müsbət 31+36 dərəcə olacaq. Şimal-qərb küləyi əsəcək. Gündüz rütubət 45-55 faiz arasında olacaq.
-
Azərbaycanda ətraf mühitin təmizliyinə ümumxalq və dövlət qayğısının zəruriliyindən çox danışılır. Hətta Ekologiya və Təbii Sərvətlər Nazirliyi də var ki, bəzən təbiəti və yaşayış məntəqələrini çirkləndirənlərin cərimələndiyini bildirir. Lakin dövlət öz vəzifələrini yerinə yetirmir. Belə ki, məişət tullantılarının toplanması və utilizasiyası üçün yer yaratmır, üstəlik əhalinin tullantıları gözdən uzaq yerə atmasını qadağan edir və paradoksal vəziyyət yaranır. Sakinlər ətraf mühitin mühafizəsi haqqında qanuna məhəl qoymamağa məcbur olur, dövlət isə buna görə onları cəzalandıra bilmir. Nəticədə hər gün təbiət öldürülür.
-
İyulun 16-na keçən gecən Sərhəd Qoşunlarının “Horadiz” sərhəd dəstəsinin sərhədçiləri qaçaqmalçılıq yolu ilə Azərbaycana 17 kiloqram marixuana gətirməyə çalışan Qazax rayon sakini Kamil Rəsulovu saxlayıblar.
-
Daxili İşlər Nazirliyinin Kibertəhlükəsizliyə Qarşı Mübarizə Baş İdarəsinin əməkdaşlarının keçirdiyi əməliyyat nəticəsində Əhməd Məmmədov və Etibar Vəliyev saxlanılıb. Onlar vətəndaşların bank kartlarından pul oğurlamaqda şübhəli bilinirlər.
Rəy yaz