Bu ilin 11 ayında Azərbaycan banklarının aktivləri 22%, kreditləşmə dörddə bir artıb. Azərbaycan Mərkəzi Bankının gələn il üçün pul siyasəti və maliyyə sabitliyi barədə məlumatında belə deyilir.
Hesabat dövründə regionlara yönəldilən kredit 31%, özəl sektora kredit 25% artıb. Bankların portfelində uzunmüddətli kreditlərin xüsusi çəkisi 79%-ə çatıb, istehlak kreditləşməsi 37% artıb.
Yanvar-noyabrda əhalinin əmanətləri 25,5% artaraq 6,4 mlrd manat olub. Bunun 70%-i sığortalanıb. Əmanətçi sayı hazırda 3 mln nəfərdir. 2013-cü il dekabrın əvvəli üçün sovet əmanətləri üzrə 600 mln manat ödənilib.
Bankların kapitalının minimum məbləğinin 50 mln. manatadək artırılması barədə qərarın qəbulundan ötən 16 ay ərzində məcmu bank kapitalı 57% və ya 1.2 mlrd. manat artmış, kapitalı 100 milyon manatdan çox olan özəl bankların sayı 3-dən 8-ə yüksəlmişdir. Hazırda sistemin aktivlərinin və əhali əmanətlərinin 95%-dən çoxuna malik bankların kapitalı 50 mln. manatı ötür. Yeni normativlər 1 yanvar 2014-cü ildən qüvvəyə minməli idi. Amma nəzarət orqanı maliyyə sabitliyi üçün vaxtı bir il uzadıb. --15D--
İqtisadiyyat
-
Azərbaycanın Yerüstü Nəqliyyat Agentliyinin (AYNA) və Dövlət Gömrük Komitəsinin nümayəndələri İranla sərhəddə yerləşən Culfa və Poldəşt keçid məntəqələrinə səfər edərək yükdaşıma ilə bağlı çətinlikləri müzakirə edib və sərhədin effektivliyini artırmaq yollarını araşdırıblar.
-
Azərbaycan hökuməti sosial müdafiəyə xüsusi ehtiyacı olan və işə düzəlməkdə çətinlik çəkən şəxslərin məşğulluğunu asanlaşdırmaq üçün yeni qaydalar qəbul edib. 29 dekabrda Nazirlər Kabineti tərəfindən təsdiq edilmiş qərar, dövlət və özəl sektorun əməkdaşlığı vasitəsilə iş yerlərinin yaradılmasına yönəlmiş məqsədli proqramları əhatə edir.
-
Nazirlər Kabineti xüsusi sosial müdafiə ehtiyacları olan və iş tapmaqda çətinlik çəkən şəxslərə dəstək məqsədilə məqsədli məşğulluq proqramlarını həyata keçirmək üçün yeni qaydaları təsdiqləyib. Dövlət Məşğulluq Agentliyi tərəfindən icra olunacaq bu tədbirlər prioritet iqtisadi sahələrdə iş yerlərinin yaradılmasını təşviq edir.
-
Nazirlər Kabineti 24 may 2024-cü il tarixində qəbul edilmiş qanuna uyğunluğu təmin etmək məqsədilə bir sıra normativ aktlara əsaslı düzəlişlərin edildiyini elan edib. Bu qanun Vergi Məcəlləsi, Gömrük Məcəlləsi, dövlət rüsumları və lisenziyalaşdırma haqqında qanunların yenilənməsinə yönəldilmişdir.
Rəy yaz