Türkiyədəki 17 dekabr korrupsiya və rüşvət əməliyyatının koordinatoru prokuror Zekeriya Öz bu əməliyyatla bağlı İstanbul polis idarəsindəki orijinal qeydləri özü ilə prokurorluğa aparıb.
Bu məlumatı Türkiyə mətbuatı yayıb.
Z.Öz buna səbəb kimi əməliyyatda şübhəli şəxs kimi saxlanılanlara verilmiş sualların dəyişdirilə bilməsi ehtimalını qeyd edib.
İstanbul baş prokuror müavini Z.Öz şübhəlilərə aid telefon dinləmələrinin və səsyazmaların surətlərini almaqdan imtina edərək, yalnız orijinallarla maraqlanıb.
Z.Öz orijinal qeydlərin möhürlü zərflə mühafizə altına alınmasına göstəriş verib. Prokuror bu addımını saxlanılan şübhəli şəxslərin yaxınlarının mətbuatda yayımlanan səsyazmalarının dəyişdirilməsi iddiaları ilə bağlı olduğunu qeyd edib. Şübhəli şəxs kimi saxlanılanların yaxınları səsyazmaların dəyişdirilməsi, bu səsyazmalara əlavələr edilməsi kimi ittihamlar səsləndiriblər. Amma Z.Öz belə bir ehtimalın özünü rədd edib. Beləliklə, məhkəmə prosesi zamanı orijinal səsyazmalarla istintaqda yer alan səsyazmalar müqayisə ediləcək. -05D-
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz