Dərnək rəhbəri Erdoğanı oğlunun həbsinin qarşısını almaq üçün polis rəislərini işdən çıxarmaqda ittiham edib

“İnqilab ayələri” kitabının müəllifi, “İnqilabçı Müsəlmanlar” dərnəyinin rəhbəri Eren Erdem baş nazir Erdoğanın oğlu Bilal Erdoğanı ittiham edib. 

Dekabrın 22-də “Çapul TV”nin “Gündəmə Dair’ verilişində qonaq olan E.Erdem “Baş nazir Tayyip Erdoğanın oğlu Bilal Erdoğanın gəmi aldığını söyləyib. Həm də bunu mətbuata Erdoğanın digər oğlu Burak Erdoğanın ötürdüyünü açıqlayıb. E.Erdem bu informasiyanı ilk dəfə açıqladığını və mənbəyi gizli saxladığını deyib. Amma iddianın “qəti doğru xəbərə” əsaslandığını nəzərə çatdırıb. E.Erdemin açıqlamasına görə, hazırda baş nazirin ailəsi daxilində xanədan savaşı yaşanır.  

E.Erdem “korrupsiya və rüşvət əməliyyatı” sonrası polis daxilində vəzifə dəyişkliklərinə diqqət çəkib. Baş nazirin təlaşa düşməsinin səbəbi kimi əməliyyatın hədəfində oğlu B.Erdoğanın olduğunu bildiyi göstərilir. “Erdoğan, Bilalı həbsə ala biləcək polis rəislərini vəzifədən çıxardı”, deyə E.Erdem iddia edib. -05D-