NİDA hərəkatının 8 təqsirləndirilən fəalının valideynləri aclıq aksiyasının 4-cü günündə aksiyanı dayandırıblar. Bu, fəalların özlərinin valideynlərə çağırışından sonra baş verib. Əks halda onlar sudan da imtina edərək, quru aclığa keçəcəklər hədələyiblər. Bu barədə Turan-a NİDA-nın idarə heyətinin üzvü Aygün Pəncəliyeva bildirib.
Gənclər aprelin 17-dən – prokuror onların 6,5 – 8,5 il müddətinə həbs cəzalarına məhkum edilməsini tələb etdikdən sonra aclıq aksiyasına başlayıblar.
Aprelin 20-dən 3 təqsirləndirilən şəxsin – Zaur Qurbanlının, Rəşadət Axundovun və Şahin Novruzlunun anaları aclığa başlayıblar.
Zaur Qurbanlının anası Səkinə Qurbanova bu gün bildirib ki, aclıq hökm elan edilənə qədər dayandırılır. Məhkəmənin hökmü ədalətsiz olarsa, aksiya bərpa edilə bilər.
* Gənclər əsgər ölümlərinə qarşı 10 mart 2013-cü il etiraz aksiyası zamanı kütləvi iğtişaşlar planlamaqda ittiham olunurlar. Bütün həbs edilənlər Amnesty İnternational tərəfindən “vicdan məhbusu” elan edilib. -1606D-
Cəmiyyət
-
Fevralın 2-də Bakıda və Abşeron yarımadasında hava dəyişkən buludlu olacaq, arabir tutulacaq, yağıntı olmayacaq. Gecə və səhər bəzi yerlərdə duman, zəif çiskin gözlənilir. Cənub-şərq küləyi axşam şimal-qərb küləyi ilə əvəz olunacaq. Havanın temperaturu gecə müsbət 1 +6, gündüz müsbət 8 +11 dərəcə olacaq, Ekologiya və Təbii Sərvətlər Nazirliyi Milli Hidrometeorologiya Xidməti bildirib.
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
Rəy yaz