Nəfəs LGBT Azərbaycan Alyansının rəhbəri Atilla(Cavid) Nəbiyev Niderland Krallığının
Azərbaycandakı səfirinin müavini Özlem Canel ilə görüşüb. Özlem Canel son günlər Azərbaycanda müşahidə olunan intihar hadisələrindən, əsasən Azad LGBT Azərbaycan təşkilatının rəhbəri İsa Şahmarlının vəfatı xəbərindən üzüldüyünü bildirib.
Görüş zamanı Azərbaycandakı LGBT hüquqlarının vəziyyəti barədə müzakirələr aparlıb. Təşkilat rəhbəri son zamanlar dayanmadan artan nifrət cinayətləri, onun başvermə səbəbləri barədə məlumat verib. A.Nəbiyev deyib ki, bu istiqamətdə kütləvi məlumatsızlığın və LGBT hüquqlarının müdafiəsi ilə bağlı qanunvericilikdə boşluqların olması nəticəsində cəmiyyətdə homofobia və onun qurbanları sürətlə artmaqdadır.
Öz növbəsində Ö. Canel bildirib ki, Niderland Krallığı fərdi azadlığa önəm verir. LGBT hüquqlarının müdafiəsi Niderland Krallığının insan haqları strategiyasinda önəmli yer tutur. “Biz səfirlik olaraq sizin fəalliyətinizi dəstəkləyirik və sizin digər beynəlxalq hüquq təşkilatları ilə əməkdaşlıq qurmağınızda sizə yardımçı olacağıq”, - o bildirib.
Cəmiyyət
-
Vəkil Aqil Layıc Bakı Apellyasiya Məhkəməsinin sədri Mübariz Əkbərovu idarəçilikdə özbaşınalıqda ittiham edərək, Prezident İlham Əliyevdən müdaxilə etməyi xahiş edib. Layıc öz narahatlığını Facebook paylaşımında ifadə edərək bildirib ki, Əkbərovun rəhbərliyi altında hüquqi müdafiə “formal səviyyəyə” endirilib.
-
İnnovasiya və sürət lideri “Bakcell” inklüzivliyə dəstək strategiyası çərçivəsində "Birgə və Sağlam" İctimai Birliyi tərəfindən yaradılan “Kaşalata” kafedə “İnnovasiyalarla Müxtəlifliyə Doğru” adlı tədbir təşkil edib. Tədbirin məqsədi "Bakcell" ilə “Birgə və Sağlam” İctimai Birliyi arasındakı tərəfdaşlığın qeyd olunması və kafedə çalışan gənclərlə görüş olub.
-
Azərbaycan Nazirlər Kabineti 1999-cu ildə təsdiq edilmiş və yol hərəkəti qaydalarının pozulmasına görə cərimələrdən əldə edilən vəsaitlərin bölüşdürülməsinə dair qaydalara düzəlişləri təsdiq edib. 2025-ci il yanvarın 23-də imzalanan və №14 saylı qərar formasında rəsmiləşdirilən bu dəyişikliklər, Bakı şəhərinin inzibati ərazisində yol hərəkətinin idarə edilməsinin təkmilləşdirilməsi ilə bağlı prezident fərmanlarına uyğunlaşdırma məqsədi daşıyır.
-
Yanvarın 25-də paytaxtda hava dəyişkən olacaq. Gecə və səhər yerlərdə zəif yağıntı olacaq. Şimal-qərb küləyi əsəcək. Havanın temperaturu gecə müsbət 4 +6, gündüz müabət 7 + 10 dərəcə, rütubət 70-80 faiz olacaq.
Rəy yaz