Nikaha daxil olanların icbari tibbi müayinəsi pulsuz olacaq
İyunun 1-dən etibarən nikaha daxil olan şəxslərin icbari tibbi müayinəsi qaydaları qüvvəyə minib, xəbəri Səhiyyə Nazirliyi yayıb.
Yeni qaydalar sağlam ailənin formalaşması üçün şərait yaradılması, irsi xəstəliklə, xüsusən talassemiya xəstəliyi və anadangəlmə inkişaf qüsuru ilə uşaqların doğulmasının qarşısının alınması məqsədinə xidmət edir.
Müayinə nikaha daxil olmaq istəyən şəxslərin və ya onlardan birinin yaşayış yeri üzrə Səhiyyə Nazirliyinin müəyyən etdiyi dövlət tibb müəssisəsində həyata keçiriləcək.
Nikaha daxil olmaq istəyən şəxslərin hər biri talassemiya, QİÇS və sifilisə görə tibbi müayinədən keçməlidir. Nikaha daxil olmaq istəyən şəxslərə müayinənin nəticəsi barədə ayrı-ayrılıqda məlumat verilir və onlara tibbi-genetik, tibbi-psixoloji və ailənin planlaşdırılması üzrə məsləhətlər verilir, deyə Səhiyyə Nazirliyinin kollegiya iclasında tibbi yardımın təşkili şöbəsinin müdiri Gülmirzə Poladov bildirib.
Tibbi müayinələrin nəticələri nikaha daxil olmaq istəyən şəxslərə yazılı formada təqdim ediləcək.
Nikaha daxil olmaq istəyən şəxslərə Ədliyyə Nazirliyinin qeydiyyat şöbələrinə təqdim etmək üçün tibbi arayış da verilir. Arayış iki həftədən gec olmayaraq verilməlidir. Arayışın etibarlılıq müddəti bir aydır.
Tibbi müayinələr regionlarda mərkəzi rayon xəstəxanaları və ya şəhər xəstəxanaları, şəhər səhiyyə şöbələrinin əvvəlcədən müəyyən edilən tibb müəssisələri, Bakı şəhərində hər inzibati rayonda təyin olunan poliklinikalar, B.Eyvazov adına Elmi Tədqiqat Hematologiya və Transfuziologiya İnstitutunun Mərkəzi Qan Bankı və onun şəhər (rayon) bölmələri, Respublika Perinatal Mərkəzi tərəfindən aparılacaq.
Bütün rayon və şəhər səhiyyə müəssisələri yerlərdə skrininq aparılması üçün hematoloji analizator, reaktivlər və müvafiq ləvazimatlarla təmin olunub, deyə Səhiyyə Nazirliyinin məlumatında bildirilir. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz