Bakının Yasamal rayon Məhkəməsində 2014-cü ilin aprelində saxlanılmış ilahiyyatçı Səid Nursinin ardıcıllarının (nurçuların) işi üzrə məhkəmə prosesi oktyabrın 7-də başa çatıb.
Saxlanılan 40 nəfərdən beşi cinayət məsuliyyətinə cəlb edilib. Təqsirləndirilənlərdən beşi Bakıda Xıdır Mustafayev küçəsində yerləşən mənzillərdən birində axtarışdan sonra saxlanılıb.
Bir il əvvəl Eldəniz Hacıyev, İsmayıl Məmmədov, Rəvan Səbzəliyev, Şahin Həsənov və Zəkəriyya Məmmədov məhkəmə qarşısına çıxarılıb.
Müttəhimlərə qarşı Cinayət Məcəlləsinin 167-2.2.1 (müvafiq icazə olmadan dini məzmunlu ədəbiyyatın yayılması, əvvəlcədən razılaşma ilə və ya mütəşəkkil cinayətkar qrup tərəfindən törədildikdə), 168.1 (dini ayinlərin yerinə yetirilməsi bəhanəsi ilə vətəndaşların hüquqlarına qəsd) və 168.2-ci (yetkinlik yaşına çatmamış şəxslərin cəlb edilməsi ilə dini ayinlərin yerinə yetirilməsi bəhanəsi ilə vətəndaşların hüquqlarına qəsd) maddələri ilə ittiham irəli sürülüb.
Sentyabrın 23-də prokuror İ.Məmmədovu 7, Hacıyev, Həsənov və Z.Məmmədovu 6,5, Səbzəliyevi 4 il müddətinə azadlıqdan məhrum etməyi təklif edib.
Vəkil Yalçın İmanovun sözlərinə görə, oktyabrın 7-də Yasamal rayon Məhkəməsi ittiham olunanları tam günahkar sayıb. Məhkəmə İsmayıl və Zəkəriyyə Məmmədov qardaşlarına, Eldəniz Hacıyevə 5 il, Şahin Həsənova 3,5 il, Rəvan Səbzəliyevə 1,5 il həbs kəsib. Onların hamısı məhkəmə zalında həbs edilib.
Vəkil bildirib ki, həbs edilənlərin hər hansı günahı olmayıb.
“Onlar sadəcə evə yığışıb “Risaleyi Nur” kitabını oxuyub, müzakirələr aparıb. Onlar hən hansı dini ayin belə yerinə yetirməyiblər”.
İmanov hesab edir ki, təqsirləndirilən şəxslərin Azərbaycan Konstitusiyasının 47-ci (fikir və söz azadlığı), 48-ci (vicdan azadlığı), 49-cu (toplaşmaq azadlığı) maddələrində zəmanət verilmiş hüquqları pozulub.
“Təqsirləndirilən şəxslər siyasi konyunkturanın qurbanlarıdır. Həbs edilənlər ənənəvi nurçuluğun ardıcıllarıdır. Amma Türkiyə və Azərbaycanda tərəfdarları təqibə məruz qoyulan Fətullah Gülənlə heç bir əlaqələri yoxdur”.
Vəkil məhkəmənin hökmündən apellyasiya şikayəti veriləcəyini bildirib.
-
- Siyasət
- 8 Oktyabr 2015 11:59
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz