![Amnesty International nümayəndələri Bakı aeroportundan deportasiya olunublar](https://turan.az/resized/750/500/resize/media/2015/main/100800132160.jpg)
Amnesty International nümayəndələri Bakı aeroportundan deportasiya olunublar
Oktyabrın 7-də Azərbaycana gələn Amnesty International təşkilatının iki əməkdaşı Bakı aeroportunda saxlanılıb, sonra deportasiya edilib.
AI-nin bəyanatında bu, qarşıdakı parlament seçkiləri ərəfəsində söz azadlığının “ciddi pozulması” kimi qiymətləndirilir. Əməkdaşların adları açıqlanmır, lakin onların Gürcüstan vətəndaşları olduqları bildirilir.
“Miqrasiya rəhbərliyi öncə onların pasportlarını alıb, bir neçə saatdan sonra deportasiya edib”, - bəyanatda deyilir.
“Amnesty International onların səfəri barədə ölkə hakimiyyətinə məlumat vermişdi, lakin cavab almamışdı”, - sənəddə qeyd olunur.
“Parlament seçkiləri öncəsi Azərbaycan hakimiyyətinin xarici aləmdən gizlətməyə çalışdığı qaranlıq sirləri nədir?”, - təşkilatın Avropa və Mərkəzi asiya proqramı üzrə direktoru Con Daluzen bildirib.
“Hüquq-müdafiə təşkilatının əməkdaşlarının deportasiyası öz işinə görə saxlanılan, həbs edilən və hədəfə çevrilən jurnalist və humanitar təşkilatların nümayəndələrinin siyahısna əlavədir”, - o vurğulayıb.
Amnesty International xatırladır ki, bu, ikinci belə hadisədir. Bu ilin iyununda Avropa Oyunları ərəfəsində təşkilatın nümayəndələri ölkəyə buraxılmayıb.
Sənəddə qeyd olunur ki, Azərbaycanda hökuməti tənqid etdiyinə görə ən azı 20 siyasi məhbus var. Onlar xuliqanlıq, vergidən yayınma, narkotik maddənin saxlanması kimi uydurma ittihamlarla həbs olunublar. Onların çoxu həbs təhlükəsindən ehtiyatlanaraq ölkəni tərk etməyə məcbur olub. Demək olar ki, ölkədə azad media qalmayıb.-0-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz