Dünya Azərbaycanlıları Konqresi (DAK) Bakının azad olunmasının 95 illiyilə bağlı cümə günü “Bakının azad edilməsi və müstəqil Azərbaycan dövlətinin qurulması” mövzusunda konfrans keçirib.
DAK həmsədri, deputat Sabir Rüstəmxanlı Qafqaz İslam ordusunun komandanı Nuru Paşanın rəhbərliyilə 1918-ci il sentyabrın 15-də Bakının rus-erməni hərbi birləşmələrindən azad edilməsinə toxunub. Bu hadisə “müstəqil Azərbaycan dövləti qurulmasının ən önəmli olayı” kimi dəyərləndirilib. Belə misilsiz xidmətlərinə baxmayaraq, həmin dövr Azərbaycanın xilaskarları olan şəxslərə öz layiqli qiymətlərinin hələ də verilməməsinə diqqət çəkilib. Haqqı çatdığı halda Nuru Paşanın Bakıda hələ də heykəlinin qoyulmamasını, tarix kitablarında onun işğalçı kimi təqdim edilməsini S.Rüstəmxanlı ölkədə bir qrup türk düşməninin fəaliyyətinin nəticəsi adlandırıb.
Türkiyənin özündə belə Nuru Paşanın yaxşı tanınmadığını deyən “Azər-Türk Qadınlar” birliyinin sədri Tənzilə Rüstəmxanlı onu Türkiyə türklərinin yox, Azərbaycan türklərinin xilaskarı kimi dəyərləndirib. Türkə qarşı düşmənçiliyin bu gün də davam etdiyi qeyd olunub. İraqda türkmənlərin, Çində uyğurların qətliyama məruz qalmasına baxmayaraq, dünyanın buna səssiz qalması nəzərə çatdırılıb.
Digər natiqlər də 1918-20-ci illərdə müstəqil Azərbaycan dövlətinin qurulmasında Nuru Paşanın xidmətlərini xüsusi vurğulayıblar. Nuru Paşaya heykəl qoyulmasının artıq zərurətə döndüyü ifadə edilib. Bunula bağlı rəsmi qurumlara müraciət ünvanlanması təklif edilib.
DAK Bakı şəhərinin azad edildiyi 15 sentyabrda Şəhidlər Xiyabanını, türk məzarlığını ziyarət etməyi nəzərdə tutur. -05C-
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz