Bu gün Bakı Apellyasiya Məkəməsi Milli Şuranın Koordinasiya Mərkəzinin (MŞ KM) üzvü Oqtay Gülalıyevin oğlu Əli Gülalıyevin şikayətinə baxıb.
Şikayət Xətai rayon məhkəməsinin 2014-cü ilin oktyabrında yetkinlik yaşına çatmayan Ə.Gülalıyev barəsində çıxardığı qazancının 15%-i dövlətin xeyrinə tutulmaqla, 6 ay müddətinə islah işlərinə cəlb olunması qərarından verilib.
Apellyasiya Məhkəməsində Xətai rayon məhkəməsinin qərarını ədalətsiz sayan O.Gülalıyev ədalətli məhkəmə istintaqı aparılması vəsatəti verib. Məhkəməyə gələn yetkinlik yaşına çatmayan şahidlər valideynlərinin iştirakı olmadan polis bölməsinə aparılaraq ifadə vernəyə məcbur edildiklərini bildiriblər. O.Gülalıyev Apellyasiya Məhkəməsinin təzyiqlə ifadə alınması faktına hüquqi qiymət verməsini tələb edib. Eyni zamanda, zərərçəkən Bayram Sultanlının məhkəmədə iştirakının təmin olunması da xahiş edilib.
Müşavirəyə gedən məhkəmə heyəti apellyasiya şikayətinin məhkəmə baxışına qəbul edildiyini bildirsə də, vəsatəti qəbul etməyib. Yalnız zərərçəkənin məhkəmə iclasında iştirakı mümkün sayılıb. Müdafiə tərəfi vəsatətlərin qəbul olunmamasına etiraz etsə də, etiraz qəbul edilməyib.
Məhkəmə baxışı 2015-ci il martın 2-nə təyin olunub. -05D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz