![O.Gündüz: yeni agentlik internet-resursları kiberhücumlardan müdafiə edəcək](https://turan.az/resized/750/500/resize/media/2012/main/092700012760.jpg)
O.Gündüz: yeni agentlik internet-resursları kiberhücumlardan müdafiə edəcək
İKT sahəsində ekspert, İnformasiya Texnologiyaları Mərkəzinin sədri Osman Gündüz Xüsusi Rabitə və İnformasiya Təhlükəsizliyi Dövlət Agentliyinin yaradılması haqqında qərarı müsbət qiymətləndirilib. Xüsusi Dövlət Mühafizə Xidməti (XDMX) nəzdində bu qurumun yaradılması haqqında prezident İlham Əliyevin müvafiq fərmanı dünən imzalanıb.
Bu qərarla bağlı Turan-a şərh verən Gündüz bildirib ki, XDMX-də əvvəllər də xüsusi rabitə və informasiya departamenti var idi, amma indi daha yüksək statusa və səlahiyyətlərə malik qurum yaradılır.
“Yeni agentliyin üzərinə bütün dövlət qurumlarının informasiya resurslarının təhlükəsizliyinin təmin edilməsi qoyulur. Qurum monitorinq auditi keçirəcək, metodiki və texniki yardım göstərəcək, təhlükəsizlik proqramları tətbiq edəcək, təhlükələr barədə xəbərdarlıq edəcək”, deyə ekspert bildirib.
Qeyri-dövlət qurumlarının informasiya təhlükəsizliyinə gəlincə, bu sahədə işləri Rabitə və İnformasiya Texnologiyaları Nazirliyi nəzdində yaradılacaq Elektron Təhlükəsizlik Mərkəzi koordinasiya edəcək.
Onun sözlərinə görə, Mərkəz informasiya resurslarının təhlükəsizliyi üzrə metodiki, texniki və informasiya dəstəyi göstərəcək.
Gündüz xaricdən kiberhücumların qarşısının alınması üzrə tədbirlər görülməsini və bu barədə yerli qurumlara məlumat verilməsini mühüm məqam adlandırıb.
Bununla yanaşı, Gündüz yeni orqanın strukturuna ekspertlərin, elmi dairələrin və vətəndaş cəmiyyətinin nümayəndələrinin daxil edilməsinin əhəmiyyətini nəzərə almaq zərurətini qeyd edib.
Bu addımlar dövlət orqanlarının, KİV-in və Azərbaycanın digər qurumlarının saytlarının müdafiəsinin gücləndirilməsinə şərait yaradacaq. -06B-
-
- Cəmiyyət
- 27 Sentyabr 2012 17:14
-
- İqtisadiyyat
- 27 Sentyabr 2012 18:44
Cəmiyyət
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
-
İyulun 27-də Bakıda hava dəyişkən olacaq. Abşeronda bəzi yerlərdə yağış yağacaq. Şimal-qərb küləyi əsəcək.
-
Xalq artisti Ağadaş Ağayev Azərbaycan Cinayət Məcəlləsinin 221.3-cü maddəsi ilə silah tətbiq etməklə xuliqanlıqda ittiham olunub.
Rəy yaz