“Müsəlmanların məsumiyyəti” filminə etiraz olaraq sentyabrın 28-də Nardaranda aksiya keçirilməsi nəzərdə tutulur. Bu haqda Turan-a Nardaran Ağsaqqallar Şurasının sədri Natiq Kərimov bildirib.
O, aksiyanın keçirilməsi təşəbbüsünün Ağsaqqallar Şurasına və kənd sakinlərinə aid olduğunu deyib. Adı çəkilən filmdə islam peyğəmbərinin təhqir olunmasını yolverilməz sayan N.Kərimov bunu müsəlmanların heysiyyəti ilə oynamaq adlandırıb. Bəzilərinin bu aksiyanı ABŞ əleyhinə aksiya kimi dəyərləndirməsinə cavab olaraq N.Kərimov aksiyanın ABŞ-a qarşı yox, bu filmi yaradanlara etiraz olaraq keçirəcəklərini deyib, ABŞ hökumətindən bu filmi yaradanların cəzalandırılmasını tələb edəcəklərini bildirib.
N.Kərimov bu aksiyanı həm də son günlər Fransadakı jurnalların birində Məhəmməd peyğəmbərin təhqir olunmasına cavab kimi dəyərləndirib. “Ümumiyyətlə, din məsələsində ehtiyatlı olmaq lazımdır, bu həssasiyət nöqtəsidir və bununla ehtiyatsız davranmaq yolverilməzdir”, - deyə N.Kərimov dini müqəddəslərə münasibətdə təhqirlərə mövqe ifadə edib. -05-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz