Hakimiyyətin özbaşınalığına etiraz edən biznesmen həbs edildi
Neftçala rayon məhkəməsi bu gün yerli sahibkar Natiq Hüseynovu polisə müqavimət göstərmək ittihamı ilə 1,5 il müddətinə azadlıqdan məhrum edib. Bu barədə Turan-a “Demokratiyaya Dəstək” regional QHT-nin sədri Emil Məmmədov bildirib.
Biznesmen ona qarşı irəli sürülən ittihamı rədd edərək, cinayət işinin onun fəal vətəndaş mövqeyi və hüquqlarını müdafiə etməsi ilə əlaqədar saxtalaşdırıldığını bildirib. Prokuror məhkəmədən Hüseynovu 2,5 il müddətinə azadlıqdan məhrum etməyi istəmişdi.
Hüseynov bu ilin may ayında üç rayon sakini ilə birlikdə yerli hakimiyyətin özbaşınalığına qarşı etiraz məqsədilə aclıq aksiyasına başladıqdan sonra həbs edilib.
Növbəti gün Hüseynov iki oğlu ilə birlikdə poçta gedərkən onları saxlayıblar və polis bölməsinə aparıblar. Uşaqları sərbəst buraxıblar, ataya isə 315.1-ci (hakimiyyət nümayəndəsinə müqavimət göstərmə) maddə ilə ittiham irəli sürüblər.
Doğmalarının iddiasına görə, biznesmen rayon icra hakimi İsmayıl Vəliyevin göstərişi ilə təqib olunur. Belə ki, rayon rəhbəri öz biznesinə olan rəqabəti aradan qaldırmaq üçün Hüseynovun əşya bazarını bağlamağa çalışır. Bir müddət əvvəl Hüseynov Mil-Muğan kollektorunda balıq tutmaq üçün lisenziyadan məhrum edilmişdi.
Maraqlıdır ki, Hüseynov ikinci qrup əlildir. O, 1990-cı il yanvar hadisələrində əlil olub. Həmin vaxt o, raykom binasından sovet bayrağını endirib, buna görə həbs edilib və sovet hərbiçiləri tərəfindən döyülüb. O, yalnız 1992-ci ildə Xalq Cəbhəsi hökuməti dövründə azad edilib. -06B-
-
- İqtisadiyyat
- 27 Sentyabr 2012 16:30
-
- Cəmiyyət
- 27 Sentyabr 2012 17:14
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz