Açiq mənbələrdən foto.
Bakı/10.06.21/Turan: Bakıda Avro-2020 futbol üzrə Avropa Çempionatının oyunları zamanı azarkeşləri Olimpiya Stadionuna və əks istiqamətdə Bakı Nəqliyyat Agentliyinin ayırdığı xüsusi avtobuslar daşıyacaq. Bakı Nəqliyyat Agentliyinin məlumatında deyilir ki, oyunlara bilet alanlar stadiona X-1 ("Qara Qarayev" metro stansiyası, "Sevinc" kinoteatrının yanından) və X-2 ("28 May" metro stansiyası, Dilarə Əliyeva küçəsi) marşrutları ilə gedə biləcəklər.
Avtobusların gediş vaxtı oyunların başlanmasından 3 saat öncədir. Nəqliyyatdan istifadə pulsuzdur.
Xarici azarkeşlər stadiona P21 və P22 marşrutları ilə gedə biləcəklər.
P21 avtobusları "Dəniz Mola"dan (Xəlil Rza Ulutürk küçəsi), P22 avtobusları isə Ağ Şəhərdən Olimpiya Stadionuna qədər və geri hərəkət edəcək.
Öz növbəsində Daxili İşlər Nazirliyi bildirib ki, şəxsi avtomobil sahibləri onlardan istifadə edə bilməyəcəklər və ictimai nəqliyyatdan istifadə etməlidirlər.
Məlumatda qeyd olunur ki, Bakı Olimpiya Stadionu və ətraf ərazi Daxili İşlər Nazirliyinin əməkdaşları tərəfindən tam nəzarətə götürülüb. Təhlükəsizliyin təmin edilməsi üçün lazımi tədbirlər görülür.
Xatırladaq ki, əvvəllər Bakı Olimpiya Stadionunda keçirilən beynəlxalq oyunlarda bir çox azarkeşlər polis tərəfindən məhdudiyyətlərdən narazılıq ediblər. Belə ki, asayiş əməkdaşları iğtişaşlara yol verilməməsi bəhanəsilə matçlardan sonra əsas çıxışlardan birini bağlayıblar ki, bu da böyük basabasa səbəb olub. Stadionun ərazisini tərk etmək üçün azarkeşlər kilometrlik dövrə vurmalı olublar. Bu məhdudiyyətlər azarkeşlərin çoxunu Olimpiya Stadionundan çəkindirib. Onlar sosial şəbəkələrdə polis bu məhdudiyyətləri dayandırana qədər stadionu boykot edəcəklərini bildiriblər.
Bu sətirlərin müəllifinə Madriddə "Metropolitano" stadionunda "Atletiko" komandasının matçına baxmaq nəsib olub. Öz konstruksiyasına, eləcə də yerləşdiyi yerə görə ona Bakı Olimpiya Stadionunun "əkiz qardaşı" demək olar. Oyundan sonra polis heç bir məhdudiyyət qoymayıb və azarkeşlər stadionu onlara rahat olan istənilən çıxışlardan sərbəst tərk ediblər.
Ümid edək ki, polis əvvəlki narazılıqları nəzərə alacaq və müvafiq nəticələr çıxaracaq. –71D-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz